Bigg Boss Non Stop Winner: ఓటింగ్‌లో బిగ్ ట్విస్ట్.. మళ్లీ మారిన టాప్ పొజిషన్.. ఓట్లలో తేడా ఎంతంటే!

ఫినాలే వీక్.. జర్నీ వీడియోలు

బిగ్ బాస్ నాన్ స్టాప్ సీజన్‌ ఆరంభం నుంచే ఆసక్తికరమైన సరికొత్త కంటెంట్‌తో ప్రేక్షకుల దృష్టిని ఆకర్షించింది. ఇందులో గతంలో ఎన్నడూ చూడని టాస్కులు, సన్నివేశాలు, బోల్డు సీన్స్‌ను చూపించడంతో ఆదరణను దక్కించుకుంది. ఫలితంగా ఫినాలేకు చేరుకుని మరింత మజాను అందిస్తోంది. ఇక, ఇప్పుడు ఈ వారంలో కంటెస్టెంట్ల జర్నీ వీడియోలను ప్రసారం చేస్తున్నారు.

18 మంది రాక... వాళ్లంతా ఔట్

బిగ్ బాస్ నాన్ స్టాప్ మొదటి సీజన్‌లోకి 18 మంది కంటెస్టెంట్లుగా ఎంట్రీ ఇచ్చారు. ఇందులో కొత్త వాళ్లతో పాటు మాజీ కంటెస్టెంట్లు కూడా ఉన్నారు. వీళ్లలో నుంచి 11 వారాలకు గానూ ముమైత్, శ్రీ రాపాక, ఆర్జే చైతూ, సరయు, తేజస్వీలు, ముమైత్ ఖాన్ (రెండోసారి), స్రవంతి చోకారపు, మహేశ్ విట్టా, అజయ్ కుమార్‌, హమీదా ఖటూన్‌, అషు రెడ్డి, నటరాజ్‌లు బయటకు వెళ్లిపోయారు.

టాప్ 5 కాదు... టాప్ 7 అంటూ

ప్రేక్షకుల్లో ఏర్పడిన అంచనాలకు ఏమాత్రం తగ్గకుండానే బిగ్ బాస్ నాన్ స్టాప్ మొదటి సీజన్ రసకందాయంగా సాగుతోంది. ఇందులో ప్రాసెస్ కూడా గతంలో మాదిరిగా కాకుండా కొత్తగా డిజైన్ చేశారు. మరీ ముఖ్యంగా ఈ సారి టాప్ 5 కాకుండా.. టాప్ 7 కంటెస్టెంట్లను ఫినాలేకు పంపారు. అందులో బిందు, మిత్రా, అఖిల్, బాబా, అనిల్, ఆరియానా, శివలు టైటిల్ బరిలో నిలిచారు.

టైటిల్ ఫైట్ ఇద్దరి మధ్యనే

తాజా సీజన్‌లో విజేత ఎవరో మరికొన్ని రోజుల్లోనే తేలనుంది. ఇందుకోసం ఫినాలే వీక్ ఓటింగ్ ప్రక్రియను ఆదివారం రాత్రి నుంచే మొదలు పెట్టారు. అయితే, గతంలో మాదిరిగా కాకుండా ఓటింగ్ లైన్స్‌ను ఈ బుధవారం రాత్రి 11:59 గంటల వరకు మాత్రమే కొనసాగించబోతున్నారు. ఇక, ఇందులో టైటిల్ పోరు అఖిల్ సార్థక్, బిందు మాధవి మధ్యలోనే జరుగుతోంది.

రోజుకు ఒకరు.. తరచూ మారి

బిగ్ బాస్ నాన్ స్టాప్ మొదటి సీజన్ విన్నర్‌ను నిర్ణయించే ఓటింగ్ ప్రక్రియ ఎన్నో మలుపులతో సాగుతున్నట్లు తెలుస్తోంది. మొదటి రోజు ఆదివారం రాత్రి అఖిల్ సార్థక్ టాప్‌లో ఉండగా.. సోమవారం మొత్తం బిందు మాధవి మొదటి స్థానంలో కొనసాగినట్లు తెలిసింది. అయితే, మంగళవారంలో మాత్రం మరోసారి అఖిల్ హవాను చూపించి టాప్‌కు చేరుకున్నాడని అంటున్నారు.

ఇద్దరి మధ్య తేడా ఎంతంటే

తాజాగా అందుతోన్న సమాచారం ప్రకారం.. మంగళవారం రాత్రి వరకూ టాప్‌లో ఉన్న అఖిల్ సార్థక్.. దాన్నే కంటిన్యూ చేస్తున్నాడని తెలుస్తోంది. దీంతో బిందు మాధవి ప్రస్తుతానికి రెండో స్థానానికే పరిమితమైందట. అయితే, ఈ ఇద్దరి మధ్య ఓట్లలో స్వల్ప తేడానే ఉన్నట్లు తెలుస్తోంది. అంటే బుధవారం ఓటింగ్ ముగిసే సరికి ఎవరు టాప్‌లో ఉంటారో చెప్పలేని పరిస్థితి నెలకొంది.

ఆ కంటెస్టెంట్ల స్థానాలు ఇవే

ఓటీటీ వెర్షన్ బిగ్ బాస్ నాన్ స్టాప్ మొదటి సీజన్‌లో ఫినాలే వీక్‌కు ఏడుగురు కంటెస్టెంట్లు చేరుకున్నారు. ఇందులో బిందు మాధవి, అఖిల్ సార్థక్ మొదటి రెండు స్థానాల్లో ఉన్నారు. ఇక, యాంకర్ శివ మూడో స్థానంలో, ఆరియానా గ్లోరీ నాలుగో స్థానంలో, బాబా భాస్కర్ ఐదో స్థానంలో, మిత్రా శర్మ ఆరో స్థానంలో, అనిల్ రాథోడ్‌లు ఏడో స్థానంలో కొనసాగుతున్నారని తెలుస్తోంది.