Bigg Boss Nonstop: హౌస్ లో షాకింగ్ ఘటన.. హమీద తమ్ముడికి లిప్ లాక్ ఇచ్చిన కంటెస్టెంట్

వివరాలు రాబట్టే ప్రయత్నం

హమీద తమ్ముడు మెహరాజ్ తన అక్క కోసం బిగ్ బాస్ హౌస్ లోపలికి వచ్చాడు. లోపలికి వచ్చిన తర్వాత అక్క నువ్వు చాలా బాగున్నావు చీరలో చాలా ముద్దొస్తున్నావు అంటూ ఆమెను కాసేపు బుజ్జగించారు. అయితే గేమ్ పరంగా తీసుకోవాల్సిన జాగ్రత్తలు ఏమిటి అనే విషయం మీద మాత్రం ఎక్కడా నోరు విప్పలేదు. ఒక గేమ్ ఆడదాం అని ఎవరి ప్లస్ లు ఏమిటి? ఎవరి లో మైనస్ లు ఏమిటి అంటూ హౌస్ సభ్యులు ఆయన చేత వివరాలు రాబట్టే ప్రయత్నం చేసినా అవేవి చెప్పడం కుదరదు అని తెగేసి చెప్పాడు.

అక్కని ఏడిపిస్తున్నారు

చాలా జాగ్రత్తగా బయట పరిస్థితి గురించి గాని బయట విషయాల గురించి గాని ఏమీ చెప్పను అని అంటూనే మీరు అందరూ బాగానే ఆడుతున్నారు అనే సింగిల్ డైలాగ అందరికీ చెప్పుకొచ్చాడు. అయితే చివరిలో వెళ్లే ముందు మాత్రం నట్రాజ్ మాస్టర్ దగ్గరికి వెళ్లి ఎందుకు మాస్టర్ మీరు మీ అక్కని ఏడిపిస్తున్నారు అంటూ సెటైర్ వేశారు.

లిప్ లాక్

దానికి నటరాజ్ మాస్టర్ కూడా నేను మీ అక్కని ఏడిపించడం ఏంటి ఆవిడ నన్ను ఏడిపిస్తుంది అనడంతో కొంచెం జాగ్రత్తగా చూసుకోండి మాస్టర్ అంటూ ఆయన చెప్పుకొచ్చారు. ఇక తర్వాత బయటకు వెళ్లేందుకు సిద్ధం అవుతున్న క్రమంలో అందరికీ ఆయన బాయ్ చెబుతూ కాసేపు టైంపాస్ చేశారు. అయితే ఆ సమయంలో ఎందుకు చేశారు? ఎలా చేశారో తెలియదు కానీ బాబా భాస్కర్ వచ్చి అతనికి లిప్ లాక్ పెట్టడం సంచలనంగా మారింది.

హౌస్ లోపలికి రావాలని

అది చూసిన బిందుమాధవి ఏం చేయాలో తెలియక షాక్ లో ఉండిపోయింది. ఆ పక్కనే ఉన్న హమీదకి ఏమనాలో అర్థం కాక బిత్తర పోయి చూస్తూ ఉండడం ఆసక్తికరంగా మారింది. ఇక గత సీజన్లో నేను నా తమ్ముడు బిగ్ బాస్ హౌస్ లోపలికి రావాలని కోరుకున్నాను కానీ ఫ్యామిలీ ఎపిసోడ్ రాకుండానే ఎలిమినేట్ అయ్యా.

అన్నాచెల్లెళ్లు లాగా

ఈ సారి నా తమ్ముడు తప్పకుండా బిగ్ బాస్ హౌస్ లోకి రావాలి అని గట్టిగా ఆడాను కాబట్టి ఇప్పుడు నా తమ్ముడు హౌస్ లోకి వచ్చాడు అని తను చాలా ఆనందంగా ఉన్నానని హమీద చెప్పుకొచ్చింది.. అతను బయటకు వెళ్లే సమయంలో అరియానా వెళ్లి అతనికి ముద్దు పెట్టింది. దీంతో ఇద్దరు అన్నాచెల్లెళ్లు లాగా ఉన్నారు అంటూ నటరాజ్ మాస్టర్ కౌంటర్ వేసాడు.