బా(ద్‌)షా(రివ్యూ)

ప్రతీ డిపార్టమెంట్ నుంచి ఎక్సలెంట్ వర్క్ తీసుకున్న శ్రీనువైట్ల ఈచిత్రాన్ని యాక్షన్ కామెడీగా మలుద్దామనుకునే ప్రాసెస్ లో... యాక్షన్.. కామెడీ దేని బ్లాక్ దానికే అన్నట్లు విడిపోయాయి. అయితే దర్శకుడుకి పట్టున్న కామెడీ విభాగానికే మంచి మార్కులు పడతాయి.

ఈ చిత్రంలో షో మ్యాన్ కేవలం ఎన్టీఆర్... అతని నటన. ముఖ్యంగా అతని కామెడీ టైమింగ్ ని దర్శకుడు బాగా వాడుకున్నాడు... డైలాగులు కూడా న్యాచురల్ గా మంచి ప్లో లో చెప్పటంతో విజిల్స్ వేయిస్తాడు. ముఖ్యంగా తన తాతగారు వేసిన జస్టిస్ చౌదరి గెటప్ లో అయితే థియోటర్ మారు మ్రోగిపోయింది. పెద్ద ఎన్టీఆర్ హిట్ పాటలకు డాన్స్ చేయటం కూడా ఫ్యాన్స్ ని అలరించే అంశమే.

నిజం చెప్పాలంటే కాజల్ కు పెద్ద స్కోప్ లేని పాత్ర ఇందులో. అయితే అమాయికమైన ఫేస్ తో... బంతి ఫిలాసపీ చెప్తూ... ఆమె నవ్వులు పూయిస్తుంది. మ్యాటర్ ఏమీ లేకపోయినా ఫస్టాఫ్ నడిచిపోయిందంటే ఆమె క్యారక్టరైజేషనే.

వెన్నెల కిషోర్ సినిమా ఫస్టాఫ్ లో మంచి కామెడీనే చేసారు. అతని పాత్ర ఉన్నంతలో బాగానే వర్కవుట్ అయ్యింది.

ఇన్సపెక్టర్ పద్మనాభ సింహగా బ్రహ్మానందం పాత్ర... గతంలో చేసిందే అయినా బాగా నవ్వించాడు. ఎన్టీఆర్, బ్రహ్మానందం కాంబినేషన్ బాగా వర్కవుట్ అయ్యింది. ముఖ్యంగా నాజర్ తో బ్రహ్మానందం ఆడుకునే సీన్స్ కు థియోటర్స్ లో బాగా రెస్పాన్స్ వచ్చింది.

చిత్రంలో కథని చెప్పటానికి సూపర్ స్టార్ మహేష్ బాబు వాయిస్ ని చాలా చోట్ల ఎఫెక్టివ్ గా వాడారు దర్శకుడు. అది మంచి ఫలితమే ఇచ్చింది.

ఇక సిద్దార్ద చేసింది చాలా చాలా చిన్న రోల్ అయినా కథకు కీలకం. దాన్ని కూడా ప్రస్తుత పరిస్దితులకు అణుగుణంగా ప్రసెంట్ చేయటం బాగుంది.

నాసర్, సుహాసిని, నవదీప్, ప్రగతి, జయప్రకాష్ రెడ్డి, బ్రహ్మానందం, తణికెళ్ల వంటి సీనియర్ నటులు కొత్తగా చేయకపోయినా... ఉన్నంతలో ఇమిడిపోయారు.

కెమెరా వర్క్ సినిమాకు హైలెట్ గా నిలిచింది. సినిమాలో హైలెట్స్ లో అది ఒకటి. మంచిలైటింగ్ స్కీమ్స్ తో కనుల విందుగా ఉంది.

ఎడిటింగ్ సెకండాఫ్ మరింత షార్ప్ గా ఉంటే బావుండేది. డైలాగ్స్ కూడా బాగా పేలాయి.

నటీనటులు: ఎన్టీఆర్, కాజల్, నవదీప్, సిద్దార్ద్, బ్రహ్మానందం, ఎమ్ ఎస్ నారాయణ తదితరులు.
సంగీతం: థమన్ ఎస్.ఎస్,
మాటలు: కోనా వెంకట్, గోపీమోహన్,
కెమెరా: ఎ.ఎస్.ప్రకాష్,
ఎడిటింగ్: ఎం.ఆర్.వర్మ,
నిర్మాత: బండ్ల గణేష్,
స్క్రీన్‌ప్లే, దర్శకత్వం: శ్రీనువైట్ల.