ఫన్, ఫాంటసీ కలిసి... ('తుంటరి' రివ్యూ )

ఫెరఫెక్ట్ ఫన్ తో కూడిన స్క్రిప్టుతో చేసే సినిమాలకు ఫలితం ఎప్పుడూ బాగుంటుంది. భాక్సాఫీస్ లు బ్రద్దలు కొట్టేడంత అద్బుతాలు జరగకపోయినా బాగోలేదు అనే టాక్ ను మాత్రం తెచ్చుకోవు,నిర్మాత,దర్శకులకు నీరసం రానివ్వవు. అలాంటి స్క్రిప్టులు ఎక్కడ దొరుకుతాయి. ఖచ్చితంగా మురగదాస్ వంటి ఆరితేరిన స్క్రిప్టు నిపుణుడు చెయ్యి చేసుకోవాల్సిందే. ఆయన వండిన ఓ స్క్రిప్టు ని తెరకెక్కిస్తే ఎలా ఉంటుంది...ఇదిగో ఇలా తుంటరిలా నవ్విస్తుంది.

ఒక్కొక్కరికీ జీవితంలో ఒక్కోసారి అద్బుతం జరిగి లైఫ్ టర్న్ అయ్యేలా చేస్తాయి. అలాంటి అల్లావుద్దీన్ అద్బుత దీపమే వైజాగ్ టెలికాం కాలనీకి చెందిన రాజు (నారా రోహిత్‌)కు దొరికేసింది. అంటే మరీ దీపం కాదు కానీ...తన కోరికలు తీర్చే ఐదుగురు (కిషోర్ బ్యాచ్ ) దొరికారు. వాళ్లకు బేవార్స్ గా తిరిగే రాజుతో అవసరాలు ఉన్నాయి. ఆ కోరికలు తీరుస్తామంటూ... వాళ్లో కండీషన్ పెట్టారు... భాక్సింగ్ ప్రాక్టీస్ చేసి గెలవాలని. అందుకోసం ట్రైనింగ్ కు అయ్యే ఖర్చుభరిస్తామని, నెలకు లక్ష ఇస్తామని.

తనకు భాక్సింగ్ రాకపోయినా వాళ్లిచ్చే ఎట్రాక్ట్ చేసే ప్యాకేజ్ చూసి ఓకే చేస్తాడు. అప్పటినుంచీ తను భాక్సింగ్ ప్రాక్టీస్ కు వెళ్లాలంటే తన గొంతెమ్మ కోరికలు తీర్చాలంటూ వాళ్లను వేధిస్తాడు. అంతేనా...తను ఇష్టపడ్డ సిరి(లతా హెగ్డే) కు లవ్ సెట్ చేయమంటాడు. ఇలా కోరికలు అన్నీ తీర్చి రాజుని భాక్సర్ గా రెడీ చేస్తున్న సమయంలో వాళ్లకి షాక్ అయ్యే విషయం తెలుస్తుంది. ఆ విషయం ఏమిటి..ఈ రాజు వెనక వాళ్లు పడటానికి కారణం ఏమిటి...మధ్యలో ఈ భాక్సింగ్ ఏమిటి అనే విషయాలు తెలియాలంటే సినిమా చూడాల్సిందే.

తమిళంలో వచ్చిన మాస్ కరాటే చిత్రానికి రీమేక్ గా రూపొందిన ఈ చిత్రం కథ వాస్తవానికి ఐదు గురు కుర్రాళ్లు వాళ్లుకు వచ్చే సమస్యలు క్రింద డవలప్ చేసారు.కానీ మురగదాస్ తెలివి అంతా హీరో పాత్రను వాళ్లకు ఎదురయ్యే సమస్యగా ఇరికించటమే. అయితే ఇది హీరో కథగా కనిపించదు. ఎందుకంటే అతనికి సమస్య వచ్చేది ఎక్కడోగానీ ఉండదు.

అతని కోరికలు తీరటమే సినిమా అంతా ఫస్టాప్ కనిపిస్తుంది. అందుకే ఫస్టాఫ్ ఫన్ తో నడిచిపోయినా సెకండాఫ్ చాలా డల్ గా పరుగెడుతున్నట్లు కనపడుతుంది. ఉషారు ఉండదు. నిజానికి సెకండాఫ్ బాగుంటేనే కదా ఏ సినిమా అయినా బాగుంది అనిపించేది. ఈ సినిమాకు చివరి నలబై నిముషాలే మైనస్ గా ఇంకా చెప్పాలంటే మహా నసగా మారాయి.

మిగతారివ్యూ స్లైడ్ షోలో