అదే కానీ... ('ఉలవచారు బిర్యాని' రివ్యూ)

ఫీల్ క్యారీ చేయలేపోయారు

ఇలాంటి చిన్న సినిమాలకు పెద్ద ప్లస్ పాయింగ్ ఉండేది ఫీల్. అదే ఈ సినిమాలో ప్రధానంగా మిస్సైంది. సినిమా మొత్తం ఒకే ఫీల్ తో నడపటంతో దర్శకుడు పడ్డ తడబాటు స్పష్పంగా కనిపిస్తుంది.

ఎంటర్టైన్మెంట్ తక్కువ

ఈ రొమాంటిక్ కామెడీలో కొంత కామెడీ ఉన్నా రెగ్యులర్ తెలుగు ప్రేక్షకుడు ఆశించే రేంజిలో కామెడీ పేలలేదనేది సుస్పష్టం. దర్శకుడు క్లాస్ గా తీయాలన్న తపనలో ఇక్కడ జనాలకు కావాల్సిన ఇంట్రిగ్రెంట్స్ మిస్సయ్యాడు.

ట్రైబల్ ట్రాక్ ఎందుకు

జగ్గయ్య అంటూ ఓ ట్రైబల్ ట్రాక్ మొదటి నుంచీ చివరి వరకూ రన్ అవుతుంది. అది ఎందుకు పెట్టారో..దాని పర్పస్ ఏమిటో దర్శకుడుకి తప్ప మనికి తెలియనంత జాగ్రత్త పడ్డారు.

సోసోగా...

కథకు కీలకమైన స్నేహ, ప్రకాష్ రాజ్ ల లవ్ ట్రాక్ కూడా జస్ట్ ఓకే అన్నట్లు సాగింది. ఎందుకనో దర్శకుడు దీన్ని పెద్దగా పట్టించుకోలేదు.

యంగ్ రొమాన్స్

సినిమాలో సబ్ ప్లాట్ గా వచ్చే యంగ్ రొమాన్స్ కూడా అంతంతమాత్రంగానే ఉంది. కథని అది కదపటంతో దారుణంగా విఫలమైంది. ప్రధాన కథతో అది మింగిలి కాలేకపోయింది.

క్లైమాక్స్...

ఇలాంటి సినిమాలకు క్లైమాక్స్ ఓ రేంజిలో భావోద్వేగ భరితంగా ఉండాలి. కానీ అదేంటో అదీ తేలిపోయి..సినిమాను క్రిందకి లాగేసింది.

ప్లస్ లు...

ఈ సినిమాకు పెద్ద ప్లస్ ప్రకాష్ రాజ్ నటన. అయితే ప్రకాష్ రాజ్ గురించి కొత్తగా చెప్పుకునేదేమీ లేదు. అతను నటుడుగా పాసయ్యాడు...దర్శకుడు గా విఫలమయ్యాడని చెప్పాలి.

సినిమాటోగ్రఫి

సినిమా ఆ మాత్రమైనా చివరి వరకూ చూడగలిగామంటే అది కెమెరామెన్ గొప్పతనమే. చిత్రాన్ని విజువల్ ట్రీట్ గా మలచటంతో తనవంతు సాయిం చేసాడు.

ఎడిటింగ్

అప్పటికీ లెంగ్త్ ని చాలా చిన్నగా చేసి వదిలారు. కానీ సినిమా చాలా చోట్ల బోర్ కొట్టడం వల్ల లెంగ్త్ మరింత తగ్గితే బాగుండేది...ఎడిటర్ తన సాఫ్ట్ వేర్స్ (కత్తికి) మరింత పదును పెట్టి ఉండాల్సింది అనిపిస్తుంది.

తెర వెనక, ముందు

బ్యానర్: ప్రకాష్‌రాజ్ ప్రొడక్షన్స్
నటీనటులు : ప్రకాష్‌రాజ్, స్నేహ, తేజస్, సంయుక్త , ఎం.ఎస్.నారాయణ, బ్రహ్మాజీ, ఊర్వశి, ఐశ్వర్య, కోటేష్ మన్నన, శివాజీరావు యాదవ్, విజయ్ తదితరులు
సంగీతం: మేస్ట్రో ఇళయరాజా,
కెమెరా: ప్రీతా జయరామన్,
ఆర్ట్: కదిర్,
ఎడిటింగ్: హర్ష,
దర్శకత్వం: ప్రకాష్‌రాజ్.
నిర్మాత : కె.ఎస్.రామారావు
విడుదల తేదీ : 6-6-2014