ప్రతి మగాడు అలా ఆలోచించాలి.. సపరేట్ సెషన్ చేస్తాను.. భర్తపై అనసూయ కామెంట్స్

సోషల్ మీడియాలో అలా..

అనసూయ సోషల్ మీడియాలో చేసే కామెంట్లు ఎంతగా వైరల్ అవుతుంటాయో అందరికీ తెలిసిందే. హాట్ హాట్ ఫోటోలను షేర్ చేసే అనసూయ తనపై వచ్చే కామెంట్లు, ట్రోల్స్‌కు అంతే స్థాయిలో ఘాటుగా కౌంటర్లు ఇస్తుంటుంది.తాజాగా ఉమెన్స్ డే స్పెషల్‌గా అనసూయ కొన్ని కామెంట్లు చేసింది.

స్పెషల్ వీడియో..

ఉమెన్స్ డే స్పెషల్‌గా కొన్ని ప్రశ్నలకు అనసూయ సమాధానం ఇచ్చింది. యాక్టర్ కాకపోయి ఉంటే ఏం చేస్తుండేది.. సమాజంలో మగవాళ్లు ఎలా ఉండాలి.. ఇలాంటి కొన్ని ప్రశ్నలకు అనసూయ తనదైన శైలిలో సమాధానం ఇచ్చింది. ఈ క్రమంలో అనసూయ తన భర్త గురించి ఎంతో గొప్పగా చెప్పేసింది.

అలా ఆలోచించాలి..

ఒక మహిళగా మగాళ్ల ఆలోచనలు ఎలా ఉండాలని మీరు కోరుకుంటున్నారు? అని అడిగిన ప్రశ్నకు.. చాలా ఉన్నాయి. అవన్నీ చెప్పాలంటే ప్రత్యేకంగా ఒక ఎపిసోడ్ కావాలి. ప్రతి మగాడు మా ఆయనలా ఆలోచించాలని నేను అనుకుంటాను. నా భర్త అని చెప్పట్లేదు.. ఆయన చాలా బాగా ఆలోచిస్తారు. ఎప్పుడైనా ఆయన్ని కూర్చోబెట్టి నేను సెపరేట్ సెషన్ చేస్తాను అని అనసూయ చెప్పుకొచ్చింది.

ప్రేమ వివాహాం..

ఇక అనసూయ సుశాంక్ భరద్వాజ్ ప్రేమ కథ అందరికీ తెలిసిందే. దాదాపు తొమ్మిదేళ్ల ప్రేమ.. పెళ్లిగా మారిందని చెప్పుకొచ్చింది. అయితే ప్రేమ వివాహానికి ఎన్నో అడ్డంకులు కూడా ఏర్పడ్డాయని ప్రతీ సందర్భంలో ఆయనెంతో సపోర్ట్ చేశారని అనసూయ చెప్పుకొచ్చింది. సోషల్ మీడియాలో వచ్చిన ట్రోలింగ్, డిప్రెషన్‌లోకి వెళ్లిన సమయంలో ఎంత అండగా ఉన్నాడో కూడా చెప్పుకొచ్చింది.