100 కేజీల బరువు తగ్గిన సినీ తారలు.. సన్నజాజిలా మారిన స్టార్ కిడ్స్ చూస్తే షాకే!

సారా అలీఖాన్

బాలీవుడ్‌లో ప్రస్తుతమున్న యంగ్ హీరోయిన్లలో అత్యంత ఫిట్‌గా ఉండే కథానాయికల్లో సారా అలీఖాన్ ఒకరు. స్టార్ హీరో సైఫ్ అలీఖాన్ కూతురైన సారా సినిమాల్లోకి రాకముందు దాదాపు 96 కేజీల బరువు ఉండేదట. హార్మోనల్ కండిషన్ వల్ల అంత భారీగా ఉండేదట. సినిమాల్లోకి రావాలనుకున్నాక ఎంతో కష్టపడి సారా తన బరువు తగ్గించుకుందట. ప్రస్తుతం ఈమె ఫిట్‌నెస్ ఫ్రీక్‌గా మారిపోయి జిమ్‌లో చెమటోడ్చుతోంది.

అర్జున్ కపూర్

`ఇష్క్ జాదే` సినిమాతో బాలీవుడ్ అరంగేట్రం చేయకముందు అర్జున్ కపూర్ కూడా ఊబకాయంతో బాధపడ్డాడు. సినిమాల్లోకి రాకముందు అర్జున్ దాదాపు 105 కిలోలు ఉండేవాడట. అయితే తన లైఫ్‌స్టైల్‌ను మార్చుకుని, కఠిన వ్యాయామాలు చేసి, డైట్ ఫాలో అయి అరంగేట్ర సమయానికి 85 కిలోలకు వచ్చాడట. ప్రస్తుతం అర్జున్ కండలు తిరిగిన దేహంతో ఫిట్‌నెస్ ఐకాన్‌గా మారిపోయాడు. బాలీవుడ్ ఫిట్‌నెస్ గాళ్ మలైకా అరోరాతో అర్జున్ ప్రస్తుతం డేటింగ్ చేస్తున్న సంగతి తెలిసిందే.

సొనాక్షీ సిన్హా

స్టార్ హీరో సల్మాన్ ఖాన్ `దబాంగ్` సినిమాతో బాలీవుడ్ ఎంట్రీ ఇచ్చింది సోనాక్షీ సిన్హా. శత్రుఘన్ సిన్హా వారసురాలైన సొనాక్షి సినిమాల్లోకి రాకుముందు 90 కిలోల బరువుండేదట. సినిమాల్లోకి రావాలనుకున్నాక దాదాపు 30 కిలోల బరువు తగ్గిందట. బరువు తగ్గితే సినిమాలో హీరోయిన్ ఛాన్స్ ఇస్తానని సల్మాన్ చెప్పడంతో దానిని సవాలుగా తీసుకుని సొనాక్షి కష్టపడిందట. ప్రస్తుతం ఆమె అత్యంత నాజూగ్గా తన బాడీని మెయింటైన్ చేస్తోంది.

సోనమ్ కపూర్

అనిల్ కపూర్ వారుసురాలైన సోనమ్ కపూర్ కూడా సినిమాల్లోకి రాకముందు భారీ శరీరంతో ఉండేదట. స్కూలు రోజుల నుంచి ఆమె ఊబకాయంతో బాధపడేదట. పీసీఓడీ సమస్య కారణంగా ఆమె చాలా లావుగా ఉండేదట. `సావారియా`తో బాలీవుడ్ ఎంట్రీ ఇచ్చే ముందు ఆమె ఏకంగా 35 కిలోల బరువు తగ్గిందట. ప్రస్తుతం ఆమె బాలీవుడ్‌లో అత్యంత ఫిట్, స్టైలిష్ హీరోయిన్లలో ఒకరిగా ఉంది.

అన్షులా కపూర్

బోనీ కపూర్ కూతురు, అర్జున్ కపూర్ సోదరి అయిన అన్షులా కపూర్ తన తాజా ఫొటోలతో అందరికీ షాకిచ్చింది. అన్షులా సోషల్ మీడియాలో ఇప్పటికి ఎన్నోసార్లు బాడీ షేమింగ్‌కు గురైంది. తాజగా ఆమె తన జిమ్ ఫోటోలను అభిమానులతో పంచుకుంది. అన్షలా షాకింగ్ ట్రాన్స్‌ఫర్మేషన్ చూసి అందరూ షాకవుతున్నారు. అన్షులా కూడా త్వరలోనే కథానాయికగా తెరంగేట్రం చేయబోతోందని వార్తలు వస్తున్నాయి.