ఆ నిర్ణయంతో హృదయం బద్దలైంది.. రజనీకాంత్‌పై కుష్బూ ఎమోషనల్ కామెంట్స్

వారం రోజుల విశ్రాంతి..

అన్నాత్తె షూటింగ్‌లో కరోనా కలకలం సృష్టించడం, రజనీకి నెగెటివ్ రావడం అందరికీ తెలిసిందే. అయితే రక్త పోటు సమస్యలతో రజనీ హాస్పిటల్‌లో జాయిన్ అయ్యాడు. గతంలో కిడ్నీ మార్చడంతో రజనీకి మరిన్ని సమస్యలు తలెత్తే అవకాశం ఉందని, వారం రోజులుగా పూర్తి విశ్రాంతి తీసుకోవాలని వైద్యుల సూచించారు. కరోనా సోకే అవకాశం ఉన్న పరిస్థితులకు రజనీ దూరంగా ఉండాలని హెచ్చరించారు.

రజనీ ప్రకటన..

రజనీకాంత్ తాజాగా ఓ సెన్సేషనల్ ప్రకటన చేశాడు. నా ఆరోగ్య సమస్యల వల్ల సన్ పిక్చర్స్ కళానిధి మారన్ చిత్రం షూటింగ్ క్యాన్సిల్ అయింది.. ఎంతో మంది ఉపాధి కోల్పోయారు.. ఎంతో నష్టం వచ్చింది..అదంతా కేవలం నా ఆరోగ్యం వల్లే వచ్చింది. ఇది నాకు దేవుడి హెచ్చరికలా అనిపించిందని రజనీకాంత్ ఎమోషనల్ అయ్యాడు.

ఆ బాధ నాకు తెలుసు..

నేను ఏం మాట్లాడానో నాకు తెలుసు.. కానీ నా వల్ల మిగతా వారంతా సమస్యలు ఎదుర్కోవడం నాకు ఇష్టం లేదు.. అందుకే నేను పార్టీ పెట్టడం లేదు.. రాజకీయాల్లోకి రావడం లేదు..ఈ ప్రెస్ నోట్ రాసేప్పుడు కలిగిన బాధ నాకు మాత్రమే తెలుసంటూ రజనీ అందరినీ కదిలించాడు.

హృదయం బద్దలైంది..

రజనీకాంత్ నిర్ణయంపై కుష్బూ ఎమోషనల్ అయింది. డియర్ రజనీ సర్.. మీ నిర్ణయం ఎంతో మంది తమిళుల హృదయాన్ని బద్దలుకొట్టేసింది. కానీ నాకు సమస్య పూర్తిగా అర్థమైంది. ఎందుకంటే మన ఆరోగ్యం కంటే ఏదీ ముఖ్యం కాదు.. మీ స్నేహితురాలిగా, శ్రేయోభిలాషిగా మీరు తీసుకున్న నిర్ణయాన్ని సమర్థిస్తున్నాను. నాకు మీరు అత్యంత విలువైన, ఎంతో ముఖ్యమైనవారు. జాగ్రత్తగా ఉండండి.. సంతోషంగా ఉండండని కుష్బూ ట్వీట్ చేసింది.