దేవయాని బ్రదర్, ‘బాయ్స్’ యాక్టర్ నకుల్ వెడ్డింగ్ (ఫోటోస్)

By Bojja Kumar

Updated: Wednesday, March 2, 2016, 15:10 [IST]

హైదరాబాద్: శంకర్ దర్శకత్వంలో వచ్చిన 'బాయ్స్' మూవీలో నటించిన తమిళ నటుడు నకుల్ వివాహం ఇటీవల చెన్నైలో గ్రాండ్ గా జరిగింది. చెన్నైకి చెందిన శృతి భాస్కర్ అనే అమ్మాయిని నకుల్ పెళ్లాడారు. చెన్నైలోని రాణి మయమ్మాయ్ హాల్ లో వివాహ వేడుక గ్రాండ్ గా జరిగింది. ఈ వేడుకకు పలువురు సినీ స్టార్స్ హాజరయ్యారు.

హిందూ సాంప్రదాయం ప్రకారం ఉదయం పెళ్లి వేడుక జరిగింది. బంధువులు, సన్నిహితుల సమక్షంలో నకుల్, శృతి సాంప్రదాయ బద్దంగా ఏకమయ్యారు. సాయంత్రం గ్రాండ్ గా వెడ్డింగ్ రిసెప్షన్ నిర్వహించారు. వెడ్డింగ్ రిసెప్షన్ కి తమిళ సినీ ప్రముఖులు కార్తి, జయం రవి, కుష్భూ, ఎంఎస్ భాస్కర్, దర్శకుడు అట్లీ తదితరులు హాజరయ్యారు.

నకుల్ సోదరి, ఒకప్పుడు తెలుగు, తమిళం, హిందీ, బెంగాళి, మళయాలం, కన్నడ చిత్రాల్లో హీరోయిన్(తెలుగులో పవన్ కళ్యాణ్ తో సుస్వాగతం, నాని మూవీలో మహేష్ బాబు మదర్ రోల్, ప్రస్తుతం ఎన్టీఆర్ జనతాగ్యారేజ్ లో కూడా నటిస్తున్నారు) దేవయాని తన భర్త రాజ్ కుమారన్, పిల్లలతో కలిసి ఈ వివాహ వేడుకకు హాజరయ్యారు. పెళ్లి అనంతరం నకుల్ స్పందిస్తూ....తన జీవితంలో ఇది ఎంతో సంతోషకరమైన రోజు, నన్ను ఆశీర్వదించిన అందరికీ ధన్యవాదాలు తెలుపుతూ సోషల్ మీడియాలో పోస్టు చేసారు. ప్రస్తుతం నకుల్ పలు తమిళ చిత్రాల్లో నటిస్తున్నాడు.