Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
తమిళ రాజకీయాల్లోకి విశాల్: అక్కడ ఫలితాన్ని శాసించేది తెలుగువారే
తమిళనాట అధికార, విపక్ష పార్టీలు అత్యంత ప్రతిష్ఠాత్మకంగా భావిస్తున్న ఆర్కే నగర్ అసెంబ్లీ ఉప ఎన్నికల్లో పోటీ చేసేందుకు తెలుగువాడైన యువ నటుడు విశాల్ పోటీ చేసే అవకాశాలు కనిపిస్తున్నాయి.
Recommended Video
తమిళనాడు రాష్ట్రంలోని ఆర్కె నగర్ అసెంబ్లీ స్థానానికి జరగనున్న ఉప ఎన్నికల్లో సినీ నటుడు విశాల్ పోటీ చేసే అవకాశం ఉందని ప్రచారం సాగుతోంది. అయితే ఈ విషయమై ఇంకా స్పష్టత రావాల్సి ఉంది. కాగా దివంగత తమిళనాడు ముఖ్యమంత్రి జయలలిత మృతితో ఆర్కె నగర్ అసెంబ్లీకి ఉప ఎన్నిక అనివార్యమైంది.
ఎన్నికల నోటిఫికేషన్
గతంలోనే ఈ స్థానానికి ఉప ఎన్నికల నోటిఫికేషన్ జారీ అయింది. అయితే ఆ సమయంలో విచ్చలవిడిగా డబ్బులను ఖర్చు చేశారని ఆరోపణలు రావడంతో ఎన్నికలను వాయిదా వేశారు.ప్రస్తుతం ఈ స్థానానికి ఎన్నికలు జరుగుతున్నాయి.
నటుడు విశాల్
తమిళనాట అధికార, విపక్ష పార్టీలు అత్యంత ప్రతిష్ఠాత్మకంగా భావిస్తున్న ఆర్కే నగర్ అసెంబ్లీ ఉప ఎన్నికల్లో పోటీ చేసేందుకు తెలుగువాడైన యువ నటుడు విశాల్ పోటీ చేసే అవకాశాలు కనిపిస్తున్నాయి. ఈ నియోజకవర్గంలో ఫలితాన్ని శాసించేది తెలుగువారే. దీంతో ఇక్కడి నుంచి విశాల్ పోటీ చేయాలని భావిస్తున్నట్లు సమాచారం.
అన్నాడీఎంకే తరఫున
ఇక్కడ అన్నాడీఎంకే తరఫున తెలుగువాడైన ఆ పార్టీ ప్రిసీడియం చైర్మన్ ఈ మధుసూదన్, డీఎంకే తరఫున మరుదుగణేశ్, స్వతంత్య్ర అభ్యర్థిగా అన్నాడీఎంకే అసమ్మతినేత టీటీవీ దినకరన్ శుక్రవారం నామినేషన్లు వేశారు. అన్నాడీఎంకేలోని రెండు వర్గాలు ఏకమైనందున డీఎంకే అభ్యర్థికి గట్టి పోటీ ఇచ్చే అవకాశాలున్నాయి.
అధికారికంగా
అయితే ఈ విషయమై ఇంకా అధికారికంగా విశాల్ నుండి ఎలాంటి ప్రకటన రాలేదు. ఈ ఎన్నికల్లో పోటీ చేస్తారా, లేదా అనే విషయాలపై విశాల్ ఏ రకంగా స్పందిస్తారోననేది ఆసక్తిగా మారింది. అందుకే విశాల్ను రంగంలోకి దింపాలని దినకరన్ గట్టిగా ఒత్తిడి తెస్తున్నట్లు సమాచారం. విశాల్ సన్నిహితులు మాత్రం ఈ వార్తలను ఖండించారు.