యాసిడ్ దాడి చేస్తాం.. చిన్మయికి బెదిరింపులు.. బాధితురాలికే కష్టాలా?

యాసిడ్ దాడి చేస్తాం

2013లో నాకు జరిగిన లైంగిక వేధింపుల గురించి మాట్లాడాను. ఆ సమయంలో నాకు బెదిరింపు కాల్స్ వచ్చాయి. తాజాగా వైరముత్తు వ్యవహారాన్ని బయటపెట్టాను. ప్రస్తుతం నాపై యాసిడ్ దాడి చేస్తామని బెదిరిస్తున్నారు. అయినే నేను బయపడను అని గాయని చిన్మయి అన్నారు.

వైరముత్తుపై ఆరోపణలు చేస్తే

వైరముత్తుపై ఆరోపణలు చేస్తే అండగా నిలువాల్సింది కాకుండా నన్నే బాధిస్తున్నారు. అనేక ప్రశ్నలు లేవనెత్తుతూ బాధితురాలినైన నన్నే అనుమానిస్తున్నారు. అప్పుడే ఎందుకు చెప్పలేదని వారు నిలదీస్తున్నారు. ఎవరెన్నీ మాట్లాడినా నా పంథాను విడువను. వైరముత్తుపై కేసు కూడా పెట్టబోతున్నాను అని చిన్మయి చెప్పింది.

కోర్టుకు లాగుతానని

వైరముత్తును కోర్టు లాగడానికి తగిన ఆధారాలను సేకరిస్తున్నాను. సాధారణంగా ఇలాంటి విషయాల గురించి ఇంట్లో లేదా పోలీసులకి చెబితే వాటిని పట్టించుకోరు. పైగా బయటకు రాకుండా అడ్డుకొంటారు. బాధిత మహిళలకు కామన్. సినీ పరిశ్రమలోనే కాదు.. ఇతర పరిశ్రమలోని మహిళల రక్షణ కోసమే మీటూ ఉద్యమం అని చిన్మయి ఉద్వేగంగా ప్రసంగించింది.

చిన్మయికి సపోర్ట్.. సమంతకు ఝలక్

లైంగిక వేధింపులను బయటపెట్టిన చిన్మయికి సమంత, తదితరులు బాసటగా నిలిచారు. ఈ విషయంలో సమంతకు చేదు అనుభవం ఎదురైంది. నీవు గొప్ప ప్రతిభావంతురాలైన నటివి. ఇప్పుడు వారికి బాసటగా నిలుస్తున్నావా? వాళ్లు బయటపెట్టనప్పుడు ఎందుకు ఈ విషయం గురించి మాట్లాడలేదు. ఆమె లైంగిక వేధింపులకు గురైనప్పుడు ఎందుకు మాట్లాడలేదు. ఒకవేళ తనుశ్రీ ఇలాంటి దుర్మార్గాలను బయటపెట్టకపోతే మీరు నోరు మూసుకొని ఉండేవారా? అని ఓ నెటిజన్ ప్రశ్నించడం చర్చనీయాంశమైంది.