రజనీ ప్రజల మనిషి.. సీఎంగా చూడాలనుకోవడంలో తప్పేమీలేదు.. ధనుష్

రజనీ సార్‌కు ఏదనిపిస్తే అదీ చేస్తారు..

తనకు రాజకీయాలంటే బొత్తిగా తెలియదు. వాటి గురించి మాట్లాడలంటే కష్టమే. కానీ రజనీ సార్‌కి ఏం అనిపిస్తే అది చేస్తారు. ఒకవేళ ముఖ్యమంత్రి కావాలనుకుంటే చాలా సంతోషం. రజనీ ఫ్యాన్స్ కూడా ఆయనను సీఎంగా చూడాలని కోరుకోవడంలో తప్పేమీ లేదు అని ధనుష్ అన్నారు.

Recommended Video

Dhanush Playing Young Rajinikanth's Role in Kaala Movie | Filmibeat Telugu

రజనీ ప్రజల మనిషి

రజనీకాంత్ నాకు మామ అయినప్పటికీ అది ఇంటికే పరిమితం. బయటకు వస్తే ఆయనను నేను సార్ అని సంబంధిస్తాను. రజనీకాంత్ ప్రజల మనిషి. బయట ప్రపంచంలో మాట్లాడేటప్పుడు సార్ అంటేనే గౌరవం ఉంటుంది అని అన్నారు.

భవిష్యత్‌లో అవకాశం వస్తే నటిస్తా

నేను 30కి పైగా సినిమాల్లో నటించినప్పటికీ రజనీకాంత్‌తో కలిసి నటించే అవకాశం దక్కలేదు. హిందీలో అమితాబ్‌తో నటించే అవకాశం దక్కింది. ఎందుకో రజనీతో కుదర్లేదు. అవకాశం లభిస్తే తప్పకుండా ఆయనతో నటిస్తాను అని ధనుష్ అన్నారు.

రిలీజ్‌కు సిద్ధమైన వీఐపీ2

ప్రస్తుతం ధనుష్ వీఐపీ2 చిత్రంలో నటించారు. ఈ చిత్రం త్వరలోనే ప్రేక్షకుల ముందుకు రానున్నది. ఈ చిత్రం వీఐపీ1చిత్రానికి సీక్వెల్‌గా రూపొందుతున్నది. వీఐపీ2లో బాలీవుడ్ నటి కాజోల్ దేవగన్ కీలకపాత్రను పోషించింది. ఈ చిత్రానికి కథ, మాటలు ధనుష్ అందించడం గమనార్హం.