Click it and Unblock the Notifications
అనుష్క దర్శకుడుకి 'స్వల్ప గుండెపోటు'
భిన్నమైన ప్రేమకథా చిత్రాల చిరునామా.. సెల్వరాఘవన్. 'తుల్లువదో ఇలమై', 'కాదల్ కొండేన్', '7/జీ బృందావన కాలనీ', 'ఆయిరత్తిల్ ఒరువన్'.. వంటి వైవిధ్య సినిమాలను అందించి గుర్తింపు సాధించాడు. తక్కువ చిత్రాలతోనే అగ్ర దర్శకుడనే పేరు సొంతం చేసుకున్నాడు. తమ్ముడితో 'మయక్కం ఎన్న' రూపొందించి చతికిలపడిన సెల్వ ప్రస్తుతం ఆర్యతో 'ఇరండాం ఉలగం'(వర్ణ)ను సృష్టిస్తున్నాడు. ఇందులో అనుష్క హీరోయిన్ . భారీ సాంకేతిక హంగులతో సిద్ధమవుతోంది. ఇటీవలే ఆడియో విడుదలై సంగీతాభిమానులను అలరిస్తోంది. సినిమా థియేటర్లలోకి రాకముందే రాంజీ కెమెరా పనితనాన్ని యూనిట్ అభినందిస్తోంది. వచ్చేనెలలో తెరపైకి తీసుకొచ్చేందుకు సన్నాహాలు సాగుతున్నాయి.
'వర్ణ' కథ గురించి చెప్తూ... ప్రేమించేవారికి ఓ ప్రపంచం ఉంటుంది. ప్రేమించని వారిది మరో లోకం. ఇప్పటి వరకు ప్రేమకు సంబంధించి భిన్నమైన కథల్ని అందించా. మరెన్నో వైవిధ్యమైన కథలు కోలీవుడ్లో వచ్చాయి. కొత్త అంశాన్ని చూపాలనే 'వర్ణ' తెరకెక్కిస్తున్నా. ఇదో సాహసోపేతమైన ప్రేమకథ అన్నారు.
'ఆయిరత్తిల్ ఒరువన్' (యుగానికొక్కడు) చిత్రం ఆశించిన విజయం సాధించలేదు ..ఈ విషయం చెప్తూ.... నేను తెరకెక్కించిన ప్రతి సినిమాకు విడుదలైన కొత్తలో ఏదో ఒక సమస్య చెప్పి రగిలిస్తుంటారు. ప్రశ్నలవర్షం కురిపిస్తారు. ఆ చిత్రం ప్రేక్షకులను రంజింపజేస్తుంది. ఆఫ్రికా దీవుల్లోని నల్లజాతివారు ఆంగ్లంలో మాట్లాడేలా తెరకెక్కిస్తారే.. అది తప్పుకాదా?, మన సినిమా కథనే 'అవతార్'గా మనకే చూపించిన గొప్పోళ్లను మీ నోళ్లు ప్రశ్నించవా?.. ఇదే నా బాధ. ప్రస్తుతం 'ఇరండాం ఉలగం' పూర్తయింది. విడుదలయ్యాక విశ్రాంతి తీసుకోవాలని అనుకుంటున్నా. కుటుంబం, పిల్లలతో కాలం గడిపేయాలనుంది అన్నారు.
Continue with Google