పోలీసుపై ఫేక్ న్యూస్ షేర్ చేసిన సింగర్ చిన్మయి... సారీ చెబుతూ ట్వీట్ డిలీట్!

పోలీసు లైంగికంగా వేధించాడని వైరల్ ట్వీట్ షేర్ చేసిన చిన్మయి

ఇటీవల సింగర్ చిన్మయి యూపీలో ఓ పోలీసు గురించి చేసిన ట్వీట్ సంచలనం అయింది. ఉత్తప్రదేశ్ రాష్ట్రానికి చెందిన ఓ పోలీసు అత్యాచార బాధితురాలిని కోర్కె తీర్చాలని వేధింపులకు గురి చేసినట్లుగా ట్విట్టర్లో ఓ పోస్ట్ వైరల్ అయింది. దీనిపై చిన్మయి స్పందిస్తూ ‘చట్టాన్ని కాపాడాల్సిన పోలీసే ఇలా ప్రవర్తిస్తే ఎలా?' అంటూ ట్వీట్ చేశారు.

ఫేక్ న్యూస్ అంటూ యూపీ పోలీస్ శాఖ ఆగ్రహం

చిన్మయి చేసిన ఈ ట్వీట్‌పై ఉత్తరప్రదేశ్ పోలీస్ డిపార్ట్‌మెంట్ స్పందించింది. అది ఫేక్ న్యూస్ అని తేల్చి పారేసింది. 2017లో జరిగిన ఘటన గురించి 2019లో ఓ సెలబ్రిటీ పోస్ట్‌ చేయడం తాము ఊహించలేదని యూపీ పోలీస్ శాఖ ఆగ్రహం వ్యక్తం చేసింది.

అసలు విషయం ఇదీ...

అప్పట్లో సదరు మహిళ తనపై అత్యాచారం జరిగిందని తప్పుడు కేసు పెట్టింది. ఫిర్యాదు తీసుకున్న ఎస్సై కూడా తనను లైంగికంగా వేధించినట్లు ఆరోపించింది. విచారణలో ఆమె ఆరోపణల్లో నిజం లేదని తెలిసిన తర్వాత కేసు కొట్టివేయడం జరిగిందని యూపీ పోలీసులు వివరణ ఇచ్చారు.

క్షమాపణ చెప్పి ట్వీట్ డిలీట్ చేసిన చిన్మయి

ఇలాంటి ఘటనలు జరినపుడు మహిళల్లో చైతన్యం రావాలని, బాధితులకు న్యాయం జరుగాలనే ఉద్దేశ్యంతోనే నేను వీటిని సోషల్ మీడియాలో షేర్ చేస్తూ ఉంటాను. నేను చేసిన ట్వీట్లో పొరపాటును గమనించినందుకు ధన్యవాదాలు. ఇందుకు నేను క్షమాపణలు చెబుతూ ట్వీట్ డిలీట్ చేస్తున్నట్లు చిన్మయి తెలిపారు.