For Quick Alerts
    ALLOW NOTIFICATIONS  
    For Daily Alerts

    డిజిటల్‌ ఫిల్మ్‌ మేకింగ్‌, స్క్రీన్‌ రైటింగ్ పై కమల్ హాసన్ సదస్సు

    By Srikanya
    |

    చెన్నై : వందేళ్ల భారతీయ సినిమాపై రెండు రోజుల ప్రత్యేక సదస్సును చెన్నైలో నిర్వహించనున్నట్లు భారతీయ వాణిజ్యమండలి, పరిశ్రమల సమాఖ్య మీడియా అండ్‌ ఎంటర్‌టైన్‌మెంట్‌ బిజినెస్‌ కంక్లేవ్‌ (ఫిక్కీ ఎంఈబీసీ) ఛైర్మన్‌, ప్రముఖ నటుడు కమల్‌హాసన్‌ ప్రకటించారు. ఈనెల 16, 17వ తేదీల్లో ఈ సదస్సు జరగబోతోంది. దీనికి 'లార్డ్‌ ఆఫ్‌ ది రింగ్స్‌' చిత్రంతో ఆస్కార్‌ అవార్డు గెలుపొందిన ప్రముఖ నిర్మాత బ్యారీ ఓస్‌బోర్న్‌ హాజరు కాబోతున్నారు. ఆయన ముఖ్య వక్తగా పాల్గొని ప్రసంగిస్తారని మీడియా సమావేశంలో కమల్‌ హాసన్‌ పేర్కొన్నారు.

    కమల్ హాసన్ మాట్లాడుతూ... ''సినీ, మీడియా, ప్రభుత్వ విభాగాలకు చెందిన 600 మంది జాతీయ, అంతర్జాతీయ ప్రముఖులు ఈ సదస్సులో పాల్గొంటారు. వందేళ్ల భారతీయ సినిమా, రానున్న శతాబ్దంలో సవాళ్లు, అవకాశాలు, సినిమాలో మహిళల పరిణామక్రమం, మీడియా వార్తల్లో విశ్వసనీయత, డిజిటల్‌ సౌండ్‌ టెక్నాలజీ, డిజిటల్‌ ఫిల్మ్‌ మేకింగ్‌, స్క్రీన్‌రైటింగ్‌... ఇలాంటి పలు కీలక అంశాలపై చర్చలు నిర్వహిస్తాం. గ్రాఫిక్‌ రంగంలో సంచలనాలు సృష్టించిన 'హ్యారీపాటర్‌ అండ్‌ డెత్లీ హాలోస్‌', 'రోబో' చిత్రాలను రూపొందించిన విధానాన్ని ఆయా చిత్రాల గ్రాఫిక్‌ నిపుణులు ఈ సదస్సులో వివరిస్తారు'' అని తెలిపారు.

    ఇక కమల్‌హాసన్‌ దర్శకత్వం వహిస్తూ నటిస్తున్న చిత్రం 'విశ్వరూపం'. రాజ్‌కమల్‌ ఫిలిమ్స్‌ ఇంటర్నేషనల్‌, పి.వి.పి. సినిమా సంస్థలు సంయుక్తంగా నిర్మిస్తున్న ఈ చిత్రం మరోసారి రిలీజ్ వాయిదా పడింది. జనవరి 2013 లో ఈ చిత్రం విడుదల అయ్యే అవకాసం ఉందని తెలుస్తోంది. ఈ చిత్రం లేటు అవటానికి కారణం..ఈ చిత్రంలో విప్లవాత్మకమైన ఆరో 3D ని ఇంట్రడ్యూస్ చేస్తున్నట్లు సమాచారం. ఈ టెక్నాలిజీతో సినిమాని మిక్సింగ్ చేయటానికి మరింత సమయం పడుతుంది. అందుకే లేటు అని చెన్నై వర్గాల సమాచారం. ప్రస్తుతం చెన్నైలో ఈ కన్వర్షన్ వర్క్ జరుగుతోంది.

    మరో ప్రక్క ఈ చిత్రం విడుదల కాకపోవటానికి కారణం డిస్ట్రిబ్యూటర్స్ కరువు అని ప్రచారం జరుగుతోంది. అత్యంత భారీ బడ్జెట్ తో ఈ చిత్రం తయారుకావటంతో ఈ సినిమాకు ఎక్కువ రేట్లు చెప్తున్నారని అందుకే బిజినెస్ కావటంలేదని అంటున్నారు. బిజినెస్ మొదలైన వెంటనే రిలీజ్ డేట్ అపీషియల్ గా ప్రకటిస్తారని చెప్తున్నారు. ఈ చిత్రాన్ని హాలీవుడ్‌ సాంకేతిక నిపుణుల సహకారంతో అమెరికాలో నిర్మాణానంతర కార్యక్రమాల్ని పూర్తి చేశారు. ప్రపంచవ్యాప్తంగా అన్ని దేశాలకీ తీవ్రవాద కార్యకలాపాలు కంటి మీద కునుకు లేకుండా చేస్తున్న వైనాన్ని చర్చిస్తూనే... వారి పని తీరుని, ఆలోచనల్నీ తన చిత్రంలో చూపించబోతున్నట్లు సమాచారం. తీవ్రవాదం గురించి కమల్‌ చిత్రంలో ఏం చర్చించారనే విషయాన్ని గోప్యంగా ఉంచారు. తెరపై ఆయన తీవ్రవాదిగా కనిపించబోతున్నారు.

    English summary
    The FICCI Media and Business Enclave 2012 is going to be conducted in Chennai on Oct 16 and 17. The Hollywood biggie Barrie Osborne (producer of Lord of The Rings) is going to be one of the key participants and speakers at the two day seminar. Kamal Hassan who has been actively involved with the FICCI Frames is holding a press meet on Tuesday to announce the schedule. The FICCI meet will focus on 100 years of films in India besides other topics like digitalization, cinematography, 3D technology and the cinema of the future.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X