»   » మణిరత్నం 'కడలి' హీరోయిన్ ఫస్ట్ లుక్ (ఫొటో)

మణిరత్నం 'కడలి' హీరోయిన్ ఫస్ట్ లుక్ (ఫొటో)

By Srikanya
Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts

    చెన్నై: అందరినీ ఊరిస్తూ వచ్చిన మణిరత్నం చిత్రం 'కడలి'హీరోయిన్ ఫస్ట్ లుక్ విడుదలైంది. మాజీ హీరోయిన్ రాధ రెండవ కూతురు తులసి ఈ చిత్రం ద్వారా పరిచయమవుతోంది. రాధ పెద్ద కుమార్తె కార్తీక తెలుగు సినిమా 'జోష్‌' ద్వారా తెరంగేట్రం చేసింది. మణిరత్నం చేతుల మీదుగా చిన్న కుమార్తె తులసిని ప్రేక్షకులకు పరిచయం చేస్తున్నారు రాధ. తమిళ చిత్రం 'కడల్‌' (తెలుగులో 'కడలి') ద్వారా తులసి నటిగా తొలి అడుగులు వేసింది.

    ఈ సినిమాలోని తులసికి సంబంధించిన ఫస్ట్‌ లుక్‌ని చిత్ర బృందం సోమవారం విడుదల చేసింది. ఎ.ఆర్‌.రెహమాన్‌ సంగీతం సమకూర్చారు. ఈ నెల 17న పాటలు విడుదల చేయనున్నారు. ఫస్ట్‌లుక్‌ విడుదల అనంతరం మీడియాతో తులసి ముచ్చటించింది. ఆమె మాట్లాడుతూ...''చిత్ర పరిశ్రమలో అడుగుపెట్టిన తరవాత పత్రికలతో మాట్లాడటం ఇదే తొలిసారి. నా ఫొటోని పత్రికల్లోనూ, టీవీల్లోనూ చూసుకోవాలని ఎన్నాళ్ల నుంచో వేచి చూశా. ఇప్పటికి ఆ కోరిక నెరవేరింది'' అంది.

    అలాగే ''నటనంటే చాలా ఇష్టం. నా సంభాషణలు నేనే చెప్పుకోవాలి. అందుకే ప్రస్తుతం ట్యూషన్‌కు వెళ్లి తెలుగు, తమిళం నేర్చుకుంటున్నా. మణిరత్నం సార్‌ చిత్రం ద్వారా పరిచయమవడం నిజంగానే అదృష్టం. నేనెలాంటి పాత్రలో కనిపించాలనుకున్నానో.. అలాంటిదే 'కడల్‌'లో దక్కింది. ఇక నా దృష్టంతా సినిమా విడుదలపైనే. నటిస్తుండటం ఆనందంగా ఉన్నా.. సినిమా విడుదల తేదీ దగ్గరపడే కొద్దీ భయంగా ఉంది'' అని చెప్పుకొచ్చింది.

     

    ఇక''కార్తీక్‌ అంకుల్‌, అమ్మ కలసి 'అలైగల్‌ ఓయ్‌వదిల్త్లె' ద్వారా చిత్రసీమకు పరిచయమయ్యారు. ఇప్పుడు వాళ్లబ్బాయి గౌతమ్‌ కార్తిక్‌, నేను కలసి 'కడల్‌' ద్వారా పరిచయమవడం నిజంగానే ఆశ్చర్యంగా ఉంది'' అని వివరించింది. ప్రేక్షకుల్లో భారీ అంచనాలు సృష్టించుకున్న 'కడల్‌' త్వరలో ఆడియో వేడుకను జరుపుకోనుంది. నవరస నాయకుడిగా ప్రత్యేకస్థానం సంపాదించుకున్న నటుడు కార్తీక్‌. 'అలైగల్‌ ఓయువదిలై', 'కిలక్కవాసల్‌', 'అమరన్‌', 'అగ్నినక్షత్రం', 'చిన్నజమీన్‌' తదితర చిత్రాల్లో నవరస నటన ప్రదర్శించి జనాల్ని మెప్పించాడు.

    ప్రస్తుతం కార్తీక్ కుమారుడు గౌతమ్‌ కార్తీక్‌ను హీరోగా పరిచయం చేస్తూ మణిరత్నం తెరకెక్కిస్తున్న చిత్రమే 'కడల్‌'. ఇదే సినిమా ద్వారా రాధ చిన్నకుమార్తె తులసి నాయికగా తెరంగేట్రం చేస్తోంది. మణిరత్నం ఆస్థాన సంగీత దర్శకుడు ఏఆర్‌ రెహమాన్‌ స్వరాలు అందిస్తున్నారు. జనవరిలో ప్రేక్షకుల చెంతకు రానుంది. ఈ నేపథ్యంలో ఈనెల 17న పాటల్ని ఆవిష్కరించనున్నారు. పలువురు సినీ ప్రముఖులు ఈ కార్యక్రమంలో పాల్గొననున్నారు.

    English summary
    This is the first look of gorgeous Thulasi Nair, the girl who is making her film debut with versatile director Mani Ratnam's most prestigious flick 'Kadal'. She is none other than younger daughter of yesteryear heroine Radha. However, movie lovers and especially Tollywood fans of Mani Ratnam have fizzled after looking Thulasi. Because, she is resembling her sister Karthika a lot. Off course, there are some resemblances but Mani's heroines are always loved by people after the film hits theatres. So wait for 'Kadal'.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more