హోమ్

Tamil

చెన్నై: నెం.1 మ్యూజిక్ డైరెక్టర్ ఏఆర్ రెహమాన్ వారసత్వం పునికి పుచ్చుకున్న ఆయన అల్లుడు జీవీ ప్రకాష్ మ్యూజిక్ డైరెక్టర్ గా టాప్ 10 లిస్టులో కొనసాగుతున్నారు. ఇటీవలే తన ప్రియురాలు సైంధవిని పెళ్లాడిన జీవీ ప్రకాష్ ప్రస్తుతం ఇటు కెరీర్ ను, అటు లైఫ్ ను ఎంతో హ్యాపీగా సాగిస్తున్నాడు.

ఇప్పటి వరకు తెర వెనక ఉండి సంగీతం అందించిన జీవీ ప్రకాష్ త్వరలో 'పెన్సిల్' అనే చిత్రంలో హీరోగా కనిపించబోతున్నాడు. ఈ చిత్రానికి గౌతం మీనన్ దగ్గర అసోసియేట్ గా పని చేసిన మణి నాగరాజు దర్శకత్వం వహించబోతున్నారు. ఈ చిత్రంలో జీవీ ప్రకాష్ ఇంటర్మీడియట్ కుర్రాడిగా నటిస్తున్నాడు. అతని ప్రియురాలిగా ప్రియా ఆనంద్ నటిస్తోంది.

హీరోగా తెరంగ్రేటం చేయబోతున్న తన భర్తకు చాలా కండీషన్లు పెట్టిందట జీవీ ప్రకాష్ భార్య సైంధవి. ఈ విషయమై ఆయన మాట్లాడుతూ....'నేను హీరోగా మారుతానంటే ఒప్పుకుంది కానీ...హీరోయిన్లతో ముద్దు సీన్లు, హాట్ సీన్లు మాత్రం చేయడానికి వీళ్లేదు అని నా భార్య కండీషన్లు పెట్టింది.' అని జీవి ప్రకాష్ చెప్పుకొచ్చాడు.

అయితే తాను హీరోగా మారిన తర్వాత సంగీత ప్రపంచానికి దూరం అవుతానని మాత్రం ఊహించుకోవద్దు. సంగీతమే నా సర్వస్వం. నటనా రంగంలో ఎంతకాలం ఉంటానో తెలియదు కానీ.... లైఫ్ లాంగ్ సంగీత దర్శకుడిగా కొనసాగుతూనే ఉంటాను అని జీవి ప్రకాష్ స్పష్ట చేసారు.