హోమ్

Tamil

రజనీకాంత్ రోబో చిత్ర కథ అంటూ గత కొద్ది రోజులుగా చెన్నై ఫిల్మ్ సర్కిల్స్ లో ఓ కథనం, క్లైమాక్స్ ట్విస్ట్ ప్రచారంలోకి వచ్చింది. గత కొద్దిరోజులుగా ఎవరినోట విన్నా అదే, ఎస్.ఎమ్.ఎస్ ల్లోనా అదే తిరుగుతోంది. ఎందుకంటే ఆ కథ నిజమైనా కాకపోయినా కథగా ఓ మంచి ట్విస్ట్ తో ఆ స్టోరీ బాగుంది. ఇంతకీ ఆ కథ,అందులో అద్దిరిపోయే ట్విస్ట్ ఏమిటంటే...రజనీకాంత్(సైంటిస్టు) తన అధ్బుతమైన మేధస్సుతో మానవ మస్తిష్కంలా పనిచేసే ఓ రోబోని సృష్టిస్తాడు. అయితే ఆ రోబోకి నిజంగానే మనుష్యులు బుద్దులు వచ్చేసి తనను రూపొందించిన మానవ జాతినే అంతంచేసేసి రోబో జాతిని విస్తరించాలని పన్నాగం పన్నుతుంది. అందుకు మొదటిగా ఆ సైంటిస్ట్ రజనీపైనే తిరగబడి..తర్వాత మానవాళిపై దాడికి బయిలుదేరుతుంది. ఆ దిశలో తిరుగుతున్న రోబోను ఎలా కంట్రోల్లో పెట్టాలో తెలియక రజనీ తికమకపడతాడు.

అప్పుడు రజనీ లవర్ ఐశ్వర్యారాయ్..ఆ రోబోని తన ఆకర్షణలో పడేసి కట్టిపడేస్తుంది. దాంతో రోబో ఓ ప్రక్క, సైంటిస్టు రజనీ ఓ ప్రక్క ఐశ్వర్య వెనుక పడుతూ ప్రేమ పాఠాలు వల్లిస్తూంటారు. ఇలా నడిచే కథలో ఫైనల్ ట్విస్ట్ ఏమిటంటే...ఐశ్వర్యరాయ్ కూడా ఓ రోబోనే కావటం అని తెలుస్తోంది. కావాలనే రోబోని కంట్రోల్లో పెట్టడానికి మరో ఐశ్వర్య రోబోని సృష్టించి, తను కూడా ఐశ్వర్య వెనక పడుతున్నట్లు నాటకమాడి, రోబోని రెచ్చగొట్టి దాన్ని నాశనం చేస్తాడని చెప్పుకుంటున్నారు. ప్రీ క్లైమాక్స్ లో వచ్చే ఈ ట్విస్టు ప్రేక్షకులను ఉక్కిరిబిక్కిరి చేస్తుందంటున్నారు. అయితే రోబో ప్రోమోలు, పోస్టర్స్, అందులో ఐశ్వర్య రోబోలో స్టిల్ చూసి తమిళ తంభీలు కథ అల్లేసి ఉంటారని మరి కొందరు కామెంట్ చేస్తున్నారు. ఏది నిజమో తేలాలంటే కొంత కాలం ఆగాల్సిందే.