మళ్లీ ప్రేమలో పడ్డ వనితా విజయ్ కుమార్.. నాలుగో పెళ్లికి కూడా సిద్ధమా? ఇంతకు ఎవరా వ్యక్తి?

పీటర్ పాల్‌తో మూడో పెళ్లి

పీటర్ పాల్‌తో మూడో పెళ్లి తర్వాత వనితా విజయ్ కుమార్‌పై తమిళ సెలబ్రిటీలు, నెటిజన్లు దుమ్మెత్తి పోశారు. విడాకులు తీసుకోని పీటర్ పాల్‌ను ఎలా పెళ్లి చేసుకొన్నావు? ఓ మహిళ జీవితాన్ని, కాపురాన్ని కూల్చివేశావు అంటూ సెలబ్రిటీలు ఫైర్ అయ్యారు. పలువురు సెలబ్రిటీలతో వనితా సోషల్ మీడియాలో ఘాటుగా స్పందిస్తూ తన నిర్ణయాన్ని సమర్ధించుకొన్నారు.

మద్యానికి బానిస అవ్వడంతో

అయితే పీటర్ పాల్ తన రెండో పెళ్లి తర్వాత కూడా మారలేదు. గతంలో మాదిరిగానే పీకల్లోతూ మద్యం సేవిస్తూ ఆల్కాహాల్‌కు బానిసయ్యాడు. పెళ్లి తర్వాత ఆయన ఆరోగ్యం క్షీణించడంతో లక్షల రూపాయాలు ఖర్చు చేసి పీటర్‌ ఆరోగ్యం మెరుగుపడేందుకు చర్యలు తీసుకొన్నారు. అయితే పీటర్‌లో మార్పు రాకపోవడంతో వెంటనే గుడ్‌బై చెప్పడంతో మూడో పెళ్లి కూడా విషాదంగా మారింది.

పీటర్ పాల్‌తో పెళ్లి తెగతెంపులు

గత నవంబర్ నెలలో పీటర్ పాల్‌తో తెగతెంపులు చేసుకొన్నానంటూ వనితా విజయ్ కుమార్ ప్రకటన చేయడం సంచలనం రేపింది. మొదటి భార్య ఎలిజబెత్ హెలెన్‌కు క్షమాపణ చెప్పి మూడో పెళ్లిని క్యాన్సిల్ చేసుకొన్నారు. కానీ గతంలో ఎలిజబెత్ చేసిన ఫిర్యాదు నేపథ్యంలో వనిత, పీటర్ పాల్‌ను కోర్టులో హాజరుకావాలని కొన్ని రోజుల క్రితం సమన్లు జారీ చేసింది.

నేను మళ్లీ ప్రేమలో పడ్డాను..

మూడో పెళ్లి వివాదం ఇలా కొనసాగుతున్న సమయంలోనే వనిత విజయ్ కుమార్ తన ఇన్స్‌టాగ్రామ్‌లో ఆసక్తికరమైన పోస్టు పెట్టింది. నేను మళ్లీ ప్రేమలో పడ్డాను. నీవు చాలా సంతోషంగా ఉన్నావని అనుకొంటా అంటూ తమిళ నటి ఉమ రియాజ్ ఖాన్‌ను ట్యాగ్ చేసి ఎ పోస్టు పెట్టింది. దాంతో నాలుగో పెళ్లికి సిద్దమైందా అంటూ నెటిజన్ల నుంచి రకరకాల కామెంట్లతో రెస్పాన్స్ వచ్చింది. దాంతో కామెంట్స్ బాక్స్‌ను బ్లాక్ చేయడం గమనార్హం.

నిజంగానే ప్రేమలో పడిందా?

అయితే వనితా విజయ్ కుమార్ నిజంగా మళ్లీ ప్రేమలో పడిందా? ఇంతకు ఆ వ్యక్తి ఎవరు? సినిమా సెలబ్రిటీ లేదా పరిశ్రమకు సంబంధం లేని వ్యక్తా? లేక తన సహచర నటిని ఆటపట్టించడానికే అలా పోస్టు పెట్టిందా అనే ప్రశ్నలు సోషల్ మీడియాలో లేస్తున్నాయి. అయితే వనితా విజయ్ కుమార్ క్లారిటీ ఇస్తేనే అసలు విషయం బయటకు వస్తుందని సినీ వర్గాలు అంటున్నాయి.