హోమ్

Tamil

తనన్నా నుంచి కాజల్ కి తెలుగు, తమిళ భాషల్లో గట్టి పోటీ ఎదుర్కొంటోంది. దాంతో కాజల్ తన రేటుని బాగా తగ్గించి ఆ పోటిని తట్టుకునేందుకు రెడీ అయిపోయింది. ఆ వివరాలు ఇలా ఉన్నాయి. రీసెంట్ గా 'కో" (రంగం) చిత్ర దర్శకుడు కె.వి.ఆనంద్ తన తదుపరి చిత్రాన్ని సియామీ కవలల కథతో తీయడానికి సన్నాహాలు చేసుకుంటున్నారు. ఈ చిత్రాన్ని హిందీ, తమిళ భాషల్లో నిర్మించేందుకు ఆయన ఉత్సాహం చూపిస్తున్నారు. హిందీ, తమిళ ప్రేక్షకులు దీపికా పడుకొనెను రిసీవ్ చేసుకుంటారన్న నమ్మకంతో ఆ చిత్రంలో హీరోయిన్‌గా ఆమెను అడిగారు. అయితే సియామీ కవలల పాత్ర అంటే ద్విపాత్రాభినయం చేయాల్సి ఉంటుందని దీపిక తన పారితోషికాన్ని ఆరు కోట్లకు డిమాండ్ చేసింది. దాంతో కళ్లు తిరిగిన దర్శకుడు వెనక్కి వచ్చేశాడు. ఈ విషయాన్ని తెలుసుకున్న కాజల్ కేవలం అరవై లక్షలకే నటిస్తానని కబురు పంపింది. వెంటనే దర్శకుడు ఏంటి ఇంత తక్కువ రేటుగా అనే డౌటుతో ఈ విషయాన్ని కాజల్‌ని అడిగితే మరి తమన్నా పోటీని తట్టుకోవాలంటే తగ్గించక తప్పదు అని కామెంట్ చేసిందట. అదీ మ్యాటర్.