రజనీ చనిపోతాడా?: 'కబాలి' క్లైమాక్స్ మార్చమన్న నిర్మాత, రజనీ కుమార్తె

'ఈ సినిమా చూసిన తర్వాత విషాదభరితంగా ఉన్న క్లయిమాక్స్‌ని ఎడిట్‌ చేసి, హ్యాపీ ఎండింగ్‌ ఇవ్వాల్సిందేనని సౌందర్య రజనీకాంత్‌, థాను ఇద్దరూ అభిప్రాయం వ్యక్తం చేశారు అన్నారు దర్శకుడు

రజనీకాంత్‌ అభిమానులే కాదు ప్రేక్షకులు కూడా ఈ తరహా క్లైమాక్స్‌ని జీర్ణించుకోలేరని చెప్పారు.

వారి అభిప్రాయం సరైందే కావచ్చు కానీ నేను రాసుకున్న కథ ప్రకారం ఈ క్లైమాక్సే కరెక్ట్‌ అని భావించాను. ఈ విషయంలో మాకు అభిప్రాయ బేధాలున్నాయి.

రజనీ నాకు ఫోన్‌ చేసి, నువ్వు అనుకున్న క్లైమాక్స్‌నే కంటిన్యూ చెరు.. ఇందులో ఎవరి అభిప్రాయాన్ని నువ్వు ఫాలో అవ్వాల్సిన పని లేదని చెప్పారు.

రెగ్యులర్‌ రజనీ సినిమాలతో పోలిస్తే నా సినిమా తప్పకుండా వైవిధ్యంగా ఉండాలని ఆశించాను. నేను ఆశించినట్టుగానే రజనీ సార్‌ గ్రీన్‌సిగల్‌ ఇవ్వడం చాలా చాలా ఆనందంగా ఉంది' అని తెలిపారు రంజిత్.

గతంలో 'అట్టకత్తి', 'మద్రాస్‌' సినిమాలకు దర్శకత్వం వహిం చాను. కార్తీతో చేసిన 'మద్రాస్‌' సినిమా పెద్ద హిట్‌ అయ్యింది. ఈ చిత్రాల తర్వాత హీరో సూర్య సినిమా కోసం స్క్రిప్టు రెడీ చేసుకుంటున్న టైంలో ఓ రోజు సౌందర్య రజనీకాంత్‌ (రజనీకాంత్‌ కుమార్తె) నాకు ఫోన్‌ చేసి 'నాన్న మీ 'మద్రాస్‌' సినిమా చూశారు. ఆయన మీతో పనిచేయాలను కుంటున్నార'ని చెప్పగానే షాకయ్యాను.

షూటింగ్‌లో ఆయన్ని డీల్‌ చేసేటప్పుడు కొంచెం టెన్షన్‌ పడ్డా.

ఇటీవల విడుదల చేసిన టీజర్‌, ఫస్ట్‌లుక్‌, ఆడియోకు తెలుగు, తమిళ ప్రేక్షకుల నుంచి మంచి స్పందన లభించింది. తెలుగు ప్రేక్షకుల నుంచి ఇంత స్పందన వస్తుందని ఊహించలేదు.

ఓల్డ్‌ లుక్‌లో 20 నిమిషాలు.. రజనీకాంత్‌ ఈ సినిమాలో యంగ్‌, ఓల్డ్‌ లుక్‌లో కనిపిస్తారు.

యంగ్‌ లుక్‌ కోసం 1978లో ఆయన నటించిన 'ముల్లుమ్‌ మలరుమ్‌' చిత్రంలోని ఆయన పాత్రను రిఫరెన్స్‌గా తీసుకుని ఈ చిత్రంలో డిజైన్‌ చేశాం. ఓల్డ్‌ లుక్‌లో 20 నిమిషాలు మాత్రమే కనిపిస్తారు.

స్వాతంత్య్రానికి ముందు బ్రిటీష్‌ వారు భారతీయులను మలేషియా తీసుకెళ్లి, అక్కడ రబ్బర్‌ ఫ్యాక్టరీలలో కూలీలుగా మార్చేశారు. అక్కడ ఉన్న సమస్యల కారణంగా కబాలి అనే వ్యక్తి డాన్‌గా ఎలా మారాడన్నదే ఈ చిత్రం.

'కబాలి' అంటే అందరూ యాక్షన్‌ సినిమా అనుకుంటారు. కానీ ఇది ఎమోషన్స్‌తో కూడుకున్న చిత్రం.

'ముల్లుమ్‌ మలరుమ్‌' చిత్రంలో రజనీ నటన సూపర్‌గా ఉంటుంది. ఈ చిత్రంలో అంతకంటే అద్భుతంగా ఉంటుంది.

తెలుగు, తమిళంలో ఒకే రోజున ఈ చిత్రాన్ని విడుదల చేయడానికి ప్లాన్‌ చేస్తున్నాం.

హిందీ, జర్మనీ, మలేషియా, చైనా దేశాలతో పాటు పలు ఇతర దేశాల్లో కూడా సినిమాను గ్రాండ్‌గా విడుదల చేసేందుకు సన్నాహాలు చేస్తున్నాం.

నెక్ట్స్‌ సినిమా సూర్యతో.. ప్రస్తుతం ఈ చిత్రం విడుదల కోసం ఈగర్‌గా వెయిట్‌ చేస్తున్నాను. ఆ తర్వాత సూర్యతో ఓ సినిమా ప్లాన్‌ చేస్తున్నాను.

'కబాలి' పైరసీ బారిన పడకుండా చిత్ర నిర్మాత కలైపులి ఎస్‌.థాను ఇటీవల చెన్నై హైకోర్టుని ఆశ్రయించిన సంగతి తెలిసిందే. పరిస్థితి సమీక్షించిన ఉన్నత న్యాయస్థానం పైరసీకి చిరునామాగా ఉన్న దాదాపు 225 వెబ్‌సెట్లను స్తంభింపచేయాలని ఆదేశించింది.

నిర్మాత ఎస్‌.థాను మాట్లాడుతూ,'ఇది కేవలం 'కబాలి' సినిమా కోసం వేసిన పిటిషన్‌ కాదు. తమిళ చిత్ర పరిశ్రమను అతలా కుతలం చేస్తున్న పైరసీ మహమ్మారిని తరిమికొట్టేందుకు చేసిన ప్రయత్నమిది. దీనివల్ల ఎందరో నిర్మాతలు రోడ్డున పడ్డారు. వెబ్‌సైట్లను స్తంభింపజేయడమనేది పైరసీపై సాధించిన తొలి విజయంగా భావిస్తున్నాను

ఈనెల 22న ప్రపంచ వ్యాప్తంగా 'కబాలి' చిత్రాన్ని విడుదల చేసేందుకు దర్శక, నిర్మాతలు సర్వం సిద్ధం చేశారు.