హీరో సూర్య పరువు తీసిన కరీనా కపూర్, ఫ్యాన్స్ ఫైర్

By Bojja Kumar

Published: Thursday, April 10, 2014, 17:38 [IST]

ముంబై: బాలీవుడ్ స్టార్ హీరోయిన్ కరీనా కపూర్ సౌతిండియా స్టార్ హీరో సూర్య గురించి చేసిన వ్యాఖ్యలు వివాదాస్పదం అయ్యాయి. ఆమె వ్యాఖ్యలపై సూర్య అభిమానులు ఆగ్రహంగా ఉన్నారు. ఇటీవల ఓ ఇంటర్వ్యూలో కరీనా కపూర్ మాట్లాడుతూ సూర్య ఎవరో తనకు తెలియదు అని వ్యాఖ్యానించారు. పాపులర్ హీరోయిన అయిన సూర్య గురించి ఆమె ఇంత దారుణంగా మాట్లాడటాన్ని అభిమానులు అవమానంగా భావిస్తున్నారు.

సూర్య నటిస్తున్న తమిళ చిత్రం 'అంజాన్' చిత్రంలో కరీనా కపూర్ ఐటం సాంగు చేయబోతోందనే వార్తలు ఇటీవల ప్రచారంలోకి వచ్చాయి. లింగుస్వామి దర్శకత్వంలో వస్తున్న ఈ చిత్రం ద్వారానే కరీనా కపూర్ ఐటం సాంగు ద్వారా సౌత్ సినిమా పరిశ్రమలో అడుగు పెడుతోందని వార్తలు జోరందుకున్నాయి.

ఈ వార్తలపై కరీనా కపూర్ స్పందిస్తూ....నేను 'అంజాన్' చిత్రంలో ఐటం సాంగు చేయడం లేదు, అసలు సూర్య, లింగుస్వామి ఎవరో కూడా నాకు తెలియదు అని వ్యాఖ్యానించింది కరీనా కపూర్.

కరీనా కపూర్

సౌండియా లాంగ్వేజ్‌లలో నటించడం తనకు ఎంతో ఇష్టమని, అదే విధంగా మరాఠీ, బెంగాలీ చిత్రాల్లో కూడా నటించడం అన్నా ఇష్టమే, వివిధ బాషల్లో పని చేస్తూ ఆ భాష నేర్చుకోవడం ఇష్టమని కరీనా కపూర్ తెలిపారు.

అసలు విషయం ఏమిటి?

వాస్తవానికి కరీనా కపూర్ ‘అంజాన్' చిత్రంలో ఐటం సాంగు చేస్తోందంటూ....ఏప్రిల్ ఫూల్ కథనాలు వెలువడ్డాయి. దీంతో కొన్ని పబ్లికేషన్స్ అసలు విషయాన్ని గ్రహించక ఆమె సౌతిండియా ప్రవేశం చేస్తోందంటూ వార్తలు వెలువరించాయి. అదన్నమాట సంగతి.