రకుల్ షాకిచ్చింది.. అలా ఆరు నెలలంటే కష్టం.. కార్తి (ఇంటర్వ్యూ)

Recommended Video

హాట్ హాట్‌గా రకుల్ రెచ్చిపోయిందిగా

క్రైమ్ గురించి పట్టించుకోం..

ఏదైనా నేరం జరిగితే దాని గురించి చదువుతాం గానీ, వాటి వెనుక ఉన్న కారణం గురించి గానీ, ఆ నేరం చేయడానికి చోటుచేసుకొన్న పరిస్థితులను గానీ బేరీజు వేయ్యం. అసలు పట్టించుకోం. ఓ క్రైమ్ వెనుక ఉన్న కథనే ఖాకి సినిమా. ఈ సినిమా కోసం చాలా పరిశోధన చేశాం

పోలీసులు 20 గంటలు

సాధారణంగా ఏ ఉద్యోగి అయినా 8 గంటలు లేదా 10 గంటలు పనిచేస్తారు. కానీ పోలీసులు మాత్రం 22 గంటలు పనిచేస్తారు. వారికి వచ్చే జీతంలో కుటుంబాన్ని పోషించడం కూడా కష్టసాధ్యం. అవినీతి చేసే పోలీసుల గురించి చెప్పుకొంటాం కానీ.. రోడ్ల మీద దుమ్ము, ధూళిలో, జీపుల్లో కూర్చొని ఎక్కువ సేపు పనిచేసే వారి గురించి కనీసం ఆలోచించం. పోలీసుల పట్ల మన మైండ్ సెట్ మారాలి.

బాధ్యాయుతమైన పోలీస్‌గా

ఖాకి చిత్రంలో ఓ సిన్సియర్ పోలీసు ఉద్యోగి కథను తెరకెక్కించాం. బాధ్యయుతా పోలీసుల ఎలా వ్యవహరిస్తాడు. అతని కుటుంబం అనుభవించే పరిస్థితులు ఎలా ఉంటాయి అనేది ఈ చిత్రంలో ఓ కోణం. రకుల్ ప్రీత్ సింగ్ నాకు భార్యగా నటించింది.

ఖాకి కథ ఏమిటంటే..

విక్రమార్కుడు చిత్రాన్ని తమిళంలో చేసేటప్పుడు ఖాకి సినిమా కథ గురించి విన్నాను. 1995లో జరిగిన ఓ క్రైమ్‌లో నేరస్థులను పట్టుకోవడానికి 2005 వరకు వేచి చూడాల్సి వచ్చింది. ఇది వాస్తవ కథ. నేరస్తులను పట్టుకోవడం అనే కథ కాబట్టి ఆంధ్రప్రదేశ్, మహారాష్ట్ర, రాజస్థాన్ రాష్ట్రాలో షూట్ చేయాల్సి వచ్చింది. ఆ తర్వాత దర్శకుడు వినోద్ ఈ సినిమా కథ చెప్పినప్పుడు నాకు స్టోరి తెలుసు అని చెప్పాను.

ఖాకి సినిమాటిక్‌గానే

ఖాకి సినిమా సినిమాటిక్ స్టయిల్లోనే ఉంటుంది. ప్రేక్షకులను ఆకట్టుకోవడానికి డ్రామాను జోప్పించాం. కొంత లవ్ స్టోరి ఉంటుంది. పాటలను పాటల కోసం జొప్పించామనే ఫీలింగ్ ఉండదు. కథాపరంగా పాటలు వస్తుంటాయి.

అది ట్రైలర్ షాట్ అని చెప్పాడు..

ఇసుకలో దూరిన సీన్ ఖాకి సినిమాలో ఓ ఇంట్రస్టింగ్ పాయింట్. రాజస్థాన్‌లో షూట్ చేయడానికి వెళ్లినప్పుడు తొలిరోజునే ఈ సీన్ షూట్ చేశారు. ఈ సీన్ షూట్ చేస్తున్నప్పుడే ఇది ట్రైలర్ షాట్ అని చెప్పారు. మిలిటరీ ఆఫీసర్స్ ఆరు నెలలు బంకుల్లోనే ఉంటారు అని రకుల్ చెప్పింది. ఈ సినిమా షూటింగ్‌లో ఉన్నప్పుడు రకుల్ నాకు చెప్పిన విషయాలు నాకు షాక్‌కు గురిచేశాయి.

ఐదేళ్ల తర్వాత పోలీసు పాత్ర

పోలీసు పాత్రలకు బ్రాండ్ అంబాసిడర్ అనే మాట సరికాదు. అన్నయ్య సింగం సిరీస్‌ చేశాడు. నేను ఐదేళ్ల తర్వాత నేను మళ్లీ పోలీస్ పాత్రను ధరిస్తున్నాను. పోలీస్ పాత్ర, పోలీసులు అంటే గర్వం. చిన్నప్పుడు మనం పొలీసులను చూస్తే వారే హీరోలుగా కనిపిస్తారు.

దంగల్ అందుకు ఉదాహరణ

మంచి సినిమాలకు ప్రేక్షకుల నుంచి ఆదరణ ఎప్పుడూ ఉంటుంది అని చెప్పడానికి దంగల్ ఓ ఉదాహరణ. అందుకే నేను విభిన్నమైన చిత్రాల్లో నటించడానికి ప్రయత్నిస్తుంటాను. తమిళ, తెలుగు సినిమాలను దృష్టిలో పెట్టుకొని నటిస్తాను అని అనడం సరికాదు.

ఊపిరి తర్వాత ఓ సినిమాకు..

ఊపిరి చిత్రం తర్వాత నాకు తెలుగులో సోలో హీరోగా సినిమా చేయడానికి అవకాశం వచ్చింది. నేను ఒప్పుకొన్నాను. కానీ కొన్ని కారణాల వల్ల ఆ ప్రాజెక్ట్ ముందుకు వెళ్లలేదు. ప్రతీ ఒక్కరు ద్విభాషా చిత్రం కావాలని డిమాండ్ చేస్తున్నారు. మంచి రైటర్ దొరికితే అది సాధ్యమవుతుంది.