బ్రేకింగ్: రజనీకాంత్ కొత్త సినిమా పేరు పెట్ట. స్టైలిష్‌ లుక్‌లో కిరాక్

సూపర్‌స్టార్ రజనీకాంత్, కార్తీక్ సుబ్బరాజ్ కాంబినేషన్‌లో వస్తున్న సినిమా టైటిల్‌ను పెట్టగా ఖరారు చేశారు. ఈ చిత్రానికి సంబంధించిన మోషన్ పోస్టర్‌ను శుక్రవారం సాయంత్రం రిలీజ్ చేశారు. రజనీకాంత్ చాలా స్టైలిష్‌గా చూపిస్తూ విడుదల చేసిన ఈ మోషన్ పోస్టర్ అద్బుతంగా ఆకట్టుకొంటున్నది. సూపర్ స్టార్ రజనీకాంత్ విభిన్నమైన గెటప్‌లో కనిపిస్తూ అభిమానులను థ్రిల్‌ చేస్తున్నాడు. ఈ చిత్రం రజనీ కెరీర్‌లో 165వ సినిమా. ఈ మోషన్ పోస్టర్‌పై మీరు లుక్కేయండి.

ఈ చిత్రంలో విజయ్ సేతుపతి, త్రిష, బాలీవుడ్ విలక్షణ నటుడు నవాజుద్దీన్ సిద్ధిఖి చేరడంతో సెన్సేషనల్ ప్రాజెక్ట్‌గా మారింది. ప్రస్తుతం ఈ చిత్ర షూటింగ్ ఉత్తర ప్రదేశ్‌లోని డెహ్రాడూన్, లక్నో, తదితర ప్రాంతాల్లో జరుగుతున్నది. ఈ సినిమా తదుపరి షెడ్యూల్ షూటింగ్‌లో పాల్గొనడం కోసం రజనీకాంత్ యూపీకి వెళ్లారు. తాజా షెడ్యూల్‌లో రజనీ, నవాజుద్దీన్, విజయ్ సేతుపతిపై కాంబినేషన్ షాట్స్ చిత్రీకరించనున్నట్టు సమాచారం.

జనీకాంత్ సరసన అందాల నటి సిమ్రాన్ నటిస్తున్నది. రీ ఎంట్రీతోనే సూపర్‌స్టార్‌కు జోడిగా నటించే అవకాశం దక్కించుకోవడం గమనార్హం. రజనీ కుమారులుగా బాబీ సింహా, సనత్ రెడ్డి నటిస్తున్నారు. ఈ చిత్రంలో మేఘా ఆకాశ్, సనత్ జంటగా నటిస్తున్నారు.