కమల్ కేనా మద్దతు స్పష్టం చేసిన ఖుష్బు: రజినీ కి వ్యతిరేక వర్గం కోలీవుడ్నుంచే ??

చాలా యాక్టివ్‌ అవుతున్నాడు

మొదటినుంచీ సొంత అభిప్రాయాల్లో కమల్ ఉండే పద్దతీ రజినీ ఉండే పద్దతీ వేరు రాజకీయాల్లో ఇద్దరూ కలిస్తే మాత్రం అది పెను మార్పులకి దారి తీసేస్ది. తమిళ రాజకీయాల రూపురేఖలే మారిపోయేవి కానీ అలా జరగలేదు. ఒకవైపు ‘బిగ్‌బాస్‌' షోను హోస్ట్‌ చేస్తున్న కమల్‌.. మరోవైపు రాజకీయంగా చాలా యాక్టివ్‌ అవుతున్నాడు.

Recommended Video

Bigg Boss Tamil : Case Filed Against Kamal Haasan for his show

అవినీతి గురించి

రాజకీయ విషయాల్లో తన అభిప్రాయాలను కుండబద్దలు కొట్టినట్టు చెబుతున్నాడు. మంత్రుల అవినీతి గురించి, తమిళనాడులోని పలు సమస్యల గురించి ట్విట్టర్‌ ద్వారా ప్రశ్నిస్తు, తన మిత్రుడు, సూపర్‌స్టార్‌ రజినీకాంత్‌ రాజకీయ ప్రవేశం గురించి కూడా కొన్ని వివాదాస్పద వ్యాఖ్యలు చేశాడు కమల్.

మనసులో మాట చెప్పేసాడు

వచ్చే ఎన్నికలలో బిజెపి మద్దతు తీసుకునే ఉద్దేశంలో ఉన్నాడు రజని. కాని ప్రాంతీయ తత్వం బలంగా నాటుకున్న తమిళ రాజకీయ రంగంలో కేంద్ర పార్టీలు ఇమడవని కమల్ అభిప్రాయం. అది మరో సారి స్పష్టం చేసాడు కమల్. బిజెపి ఇక్కడ అధికారంలోకి రావాలి అనుకోవడం పగటి కలగానే మిగులుతుందని, ప్రాంతీయ పార్టీలదే ఇక్కడ రాజ్యం అని తన మనసులో మాట చెప్పేసాడు.

పొలిటికల్ ఎంట్రీ ఖాయం

అంటే ఒక విషయాన్ని చెప్పకనే చెప్పేసాడు. రజని ఒకవేళ బిజెపి సపోర్ట్ తీసుకున్నా కమల్ మాత్రం బీజేపీ తో కలవకుండా ఆపోజిట్ లోనే ఉంటాడన్నది స్పష్టం అయినట్టే. మరి రజని ఇంకా తన మనసులో ఏముందో పూర్తిగా బయట పెట్టలేదు. పొలిటికల్ ఎంట్రీ మాత్రం ఖాయం అని చెప్పేసాడు.

కమల్‌ త్వరలోనే రాజకీయ అరంగేట్రం చేయనున్నాడు?

అయితే ఇప్పుడు రజినీకి వ్యతిరేకంగా ఇంకో గ్రూపు కూడా మొదలవుతుందీ అన్న అనుమానము తాజా ఘటనలతో వచ్చేసింది. ఎందుకంటే కమల్‌ త్వరలోనే రాజకీయ అరంగేట్రం చేయనున్నారని వార్తలు పుట్టుకొచ్చాయి. దానికి తగ్గట్టే కమల్ కూడా తాజా రాజకీయాల మీద తన స్టైల్లో స్పందిస్తూనే ఉన్నాడు.

కమల్‌హాసన్‌ స్పందనను స్వాగతిస్తున్నా

ఈ నేపథ్యంలో సీనియర్‌ నటి, కాంగ్రెస్‌ నేత ఖుష్బూ.. కమల్‌కు మద్ధతు ప్రకటించింది. ‘అవినీతికి వ్యతిరేకంగా కమల్‌హాసన్‌ స్పందనను స్వాగతిస్తున్నా. కమల్‌ రాజకీయాల్లోకి వస్తారని కొంత కాలంగా వార్తలు వినబడుతున్నాయి. నిజంగా నా స్నేహితుడు కమల్‌ రాజకీయాల్లోకి వస్తే నా మద్ధతు ఆయనకి ఉంటుంద'ని ట్వీట్‌ చేశారు ఖుష్బూ. సో..! రజినీకి గట్టి పోటీనే ఉండబోతుందీ అన్నదానికి ఇది ఒక సూచన అనుకోవచ్చా..??