హోమ్

Tamil

తమిళ ఇండస్ట్రీలో అగ్ర దర్శకుడిగా ప్రస్తుతం మంచి గుర్తింపును అందుకుంటున్న అగ్ర దర్శకుల్లో అట్లీ ఒకరు. ఈ దర్శకుడు 2014లో శ్రీకృష్ణప్రియను ప్రేమించి వివాహం చేసుకున్నాడు. తరచుగా వీరికి సంబంధించిన ఫోటోలు సోషల్ మీడియాలో వైరల్ అవుతూనే ఉంటాయి. కృష్ణప్రియ కూడా అట్లికి సంబంధించిన ఫోటోలను షేర్ చేసుకుంటూ ఉంటారు. ఎంతో అన్యోన్యంగా జీవించే ఈ బ్యూటిఫుల్ జంట ఇటీవల వారి ఫాలోవర్స్ కి ఒక గుడ్ న్యూస్ చెప్పింది.

త్వరలోనే కుటుంబం పెద్దది కాబోతోంది అంటూ వారు అధికారికంగా కొన్ని ప్రత్యేకమైన ఫోటోలను కూడా సోషల్ మీడియాలో షేర్ చేసుకున్నారు. తల్లిదండ్రులు కాబోతున్నట్లు క్లారిటీ ఇవ్వడంతో సోషల్ మీడియాలో వారికి ఫ్యాన్ ఫాలోవర్స్ నుంచి ప్రత్యేకంగా శుభాకాంక్షలు కూడా అందుతున్నాయి. ఈ విషయాన్ని అందరితో షేర్ చేసుకుంటున్నందుకు మాకు ఎంతో సంతోషంగా ఉంది అని ఇంత కాలంగా మా యోగక్షేమాలను గురించి ప్రార్థించిన ప్రతి ఒక్కరికి కూడా ప్రత్యేకంగా ధన్యవాదాలు తెలుపుతున్నాము అన్నారు.

అలాగే ఇప్పుడు ఈ శుభ సమయంలో ఈ విషయాన్ని మీ అందరితో షేర్ చేసుకుంటున్నందుకు కూడా ఎంతో సంతోషంగా ఉందని కూడా అట్లీ కృష్ణప్రియ సోషల్ మీడియాలో వారి ఆనందాన్ని తెలియజేశారు. ఇక అట్లీ కృష్ణప్రియ కలిసి ఏ ఫర్ ఆపిల్ అని ప్రొడక్షన్ హౌస్ ను కూడా స్థాపించిన విషయం తెలిసిందే. అందులో వీరు కొన్ని మంచి కంటెంట్ ఉన్న చిన్న సినిమాలను కూడా నిర్మించారు.

దర్శకుడు అట్లీ తనతో పాటు వచ్చే శిష్యులకు కూడా ఆ ప్రొడక్షన్ లో సినిమాలు చేసే అవకాశాలను అందిస్తున్నాడు. ఇక పెళ్లయిన 8 ఏళ్ల తర్వాత ఈ జంట వారి మొదటి ప్రెగ్నెన్సీ గురించి తెలియజేసింది. ఇక ప్రస్తుతం అయితే వీరి ఫోటోలు సోషల్ మీడియాలో వైరల్ గా మారుతున్నాయి. ఇక అట్లీ సినిమాల విషయానికి వస్తే వరుసగా విజయ్ తో తేరి, మెర్సల్, బిగిల్ సినిమాలతో బాక్సాఫీస్ వద్ద మంచి సక్సెస్ అందుకోగా ఇప్పుడు బాలీవుడ్ స్టార్ హీరో షారుక్ ఖాన్ తో జవాన్ అనే సినిమాను తెరపైకి తీసుకురాబోతున్నాడు. ఈ సినిమా ఫ్యాన్ ఇండియా రేంజ్ లో విడుదల కాబోతున్న విషయం తెలిసిందే.