మహిళా దర్శకరాలు మమతా....

By Staff

| Published: Friday, May 23, 2008, 15:48 [IST]

మమతా మోహన్ దాస్ డైరక్టర్ అయ్యింది....అదీ దక్షిణాది సూపర్ స్టార్ రజనీ కాంత్ ని డైరక్ట్ చేస్తూ. కాని ఈ సంఘటన ఆమె రియల్ లైఫ్ లోది కాదు...రీల్ లైఫ్ లో జరిగింది . ఆమె ప్రస్తుతం పి.వాసు దర్శకత్వంలో తమిళ, తెలుగు భాషల్లో రూపొందుతున్న 'కుచేలుడు' లో ఈ సన్నివేశం ఉంటుందిట. ఈ సినిమాలో సౌత్ సూపర్ స్టార్ రజనీకాంత్ నిజ జీవిత పాత్ర అయిన హీరోగా కనిపిస్తారు. దాంతో ఆయన సినిమా షూటింగ్ లో పాల్గొనే సీన్లలో ఆయన్ని దర్శకత్వం చేసే దర్శకురాలు గా ఆమె కనిపిస్తుంది.

సాధారణంగా ఆ సినిమా దర్శకులే అటువంటి పాత్రల్లో తళుక్కున మెరుస్తూంటారు. అంటే పి.వాసు లెక్క ప్రకారం ఆ సీనులో కన్పించాలి. కాని ఆయన మమతాని ఎన్నుకున్నారు. అంతేగాక ఆమె ఈ చిత్రం కోసం కుర్రాళ్ళని కిక్కిక్కెంచే ఓ టాప్ సాంగ్ పాడిందిట. మళయాళ సూపర్ హిట్ 'కథా పెరియంబోల్' ఆథారంగా పి.వాసు ఈ సినిమాని ప్రతిష్ఠాత్మకంగా రూపొందిస్తున్నారు. భారీ చిత్రాల నిర్మాత అశ్వనీదత్ తెలగులో అందిస్తున్నఈ సినిమాలో జగపతి బాబు బార్బర్ గా కథలో కీలకమైన పాత్రని చేస్తున్నాడు. అలాగే హీరోయిన్లు నయనతార, మమతామోహన్ దాస్ తమదైన శైలిలో గ్లామర్ ని పంచనున్నారు.