టైటిల్, ఫస్ట్‌లుక్‌తో అదరగొట్టిన మణిరత్నం.. వావ్ నెక్ట్స్ మూవీ తెలుగు టైటిల్ ఇదే..

తెలుగులో నవాబ్‌గా

చెక్క చివంత వానమ్ చిత్రాన్ని తెలుగులోకి కూడా డబ్బింగ్ చేయనున్నారు. తెలుగులో ఈ సినిమాకు నవాబ్ అనే పేరును ఖరారు చేయడం గమనార్హం. ఈ సినిమాకు సంగీత మాంత్రికుడు ఏఆర్ రెహ్మన్ సంగీత దర్శకత్వం వహిస్తున్నారు.

తప్పుకొన్న ఫహద్ ఫాజిల్

మణిరత్నం సినిమాలో తొలుత మలయాళ నటుడు ఫహద్ ఫాజిల్ కీలకపాత్రకు ఎంపిక చేశారు. అయితే డేట్స్ అడ్జస్ట్ కాకపోవడంతో ఫహాద్ ఈ ప్రాజెక్ట్ నుంచి వైదొలిగారు. ఈ పాత్ర కోసం నటుడి ఎంపిక మొదలైందనట్టు సమాచారం.

ఫిబ్రవరి 12న

చెక్క చివంత వానమ్ సినిమా ఫిబ్రవరి 12వ తేదీన సెట్స్‌పైకి వెళ్లనున్నట్టు సమాచారం. 12వ తేదీ నుంచి రెగ్యులర్ షూటింగ్ ప్రారంభం కానున్నట్టు తెలుస్తున్నది. ఈ చిత్రంలో విజయ్ సేతుపతి, అరవింద్ స్వామి, శింబు, అరున్ విజయ్ అన్నదమ్ములుగా నటిస్తున్నారట. వారికి తల్లిదండ్రులుగా జయసుధ, ప్రకాశ్ రాజ్ నటిస్తున్నట్టు తెలిసింది.

మద్రాస్ టాకీస్‌పై

మద్రాస్ టాకీస్ నిర్మిస్తున్న ఈ చిత్రానికి సంతోష్ శివన్ సినిమాటోగ్రఫర్‌గా వ్యవహరించనున్నారు. ఇప్పటివరకు తాను రూపొందించిన చిత్రాలకు భిన్నంగా ఈ సినిమాను మణిరత్నం తెరకెక్కించనున్నారట. ఈ చిత్రాన్ని యాక్షన్, థ్రిల్లర్‌గా రూపొందిస్తున్నట్టు తెలుస్తున్నది.