వామ్మో శింబునా? మేము నటించం.. పారిపోతున్న హీరోయిన్లు.. కారణం అదే..

శింబుపై మైఖేల్ మండిపాటు

శింబు వ్యవహారంపై మైఖేల్ గురువారం చెన్నైలో మరోసారి స్పదించారు. తానేదో గొప్ప హీరోను అని ఫోజులు కొడుతుంటాడు. ఆయన ప్రవర్తన చాలా దారుణంగా ఉంది. శింబుతో నటించడానికి ఏ హీరోయిన్ ముందుకు రాలేదు. త్రిషా అడ్వాన్సుగా తీసుకొన్న రెమ్యునరేషన్‌ను తిరిగి ఇచ్చేసింది. లక్ష్మీమీనన్ కూడా తీసుకొన్న సొమ్మును తిరిగి ఇచ్చేయడంతో కోచికి వెళ్లి నచ్చజెప్పాం. అయినా ఆమె నటించడానికి ముందుకు రాలేదు అని మైఖేల్ తెలిపారు.

శింబుతో శ్రీయ సరన్

శింబు పక్కన నటించడానికి శ్రీయాసరన్ ఒప్పించాం. అయితే ఆమె యాక్టింగ్ బాగా ఉండదు అని శ్రీయాను తప్పించాలని శింబు కోరాడు. దాంతో శ్రీయాతో పాటను పూర్తిస్థాయిలో షూట్ చేయలేకపోయాం. శ్రీయా 13 రోజులు కేటాయిస్తే కేవలం 7 రోజులు మాత్రమే షూట్ చేశాం అని మైఖేల్ చెప్పారు.

శింబు బాధపెట్టాడు..

అంబనవన్ అసరథావన్ అదంగథవన్ చిత్ర షూటింగ్ సమయంలో శింబు కారణంగా చాలా బాధపడ్డాం. తరచుగా షూటింగ్ స్పాట్‌లను మార్చేసేవాడు. మధురైలో షూటింగ్ ప్లాన్ చేస్తే గోవాకు షిఫ్ట్ చేయమనే వాడు. ఓసారి దుబాయ్‌లో షూట్‌కు ప్లాన్ చేస్తే లండన్‌లో పెట్టమనే వాడు. చివరకు ఆ పోర్షన్‌ను చెన్నైలోని ఈస్ట్‌కోస్ట్ రోడ్‌లో షూటింగ్ చేయాల్సి వచ్చింది.

హోటల్‌లో శింబు జల్సా

షూటింగ్ కోసం మేము కేటాయించిన హోటల్‌లో విలాసవంతంగా జల్సా చేశాడు. దానిని ప్రశ్నించిన ఎగ్జిక్యూటివ్ ప్రొడ్యూసర్‌ను తొలగించమని శింబు ఒత్తిడి తెచ్చాడు. అలా నానా రకాలుగా మమల్ని వేధించాడు. ఈ విషయాన్ని తమిళ సినీ నిర్మాతల సంఘంలో ఫిర్యాదు చేశాం. ప్రస్తుతం మా ఫిర్యాదుపై చర్యలు తీసుకొనే ప్రయత్నంలో మండలి ఉంది అని మైఖేల్ వెల్లడించారు.