సెన్సార్ ఇవ్వలేదని చంపేస్తామని బెదిరింపు

చెన్నై: తమిళ , మాజీ ఎమ్మల్యే, నటుడు ఎస్వీశేఖర్‌ ఇంటికి పోలీసు భద్రత కల్పించారు. నటుడు ఎస్వీ శేఖర్‌ ప్రస్తుతం సెన్సార్‌బోర్డు సభ్యుడిగా వ్యవహరిస్తున్న విషయం తెలిసిందే. శ్రీలంకలో చోటుచేసుకున్న యుద్ధ నేపథ్యంలో 'పోర్కలత్తిల్‌ ఒరు పూ' పేరిట ఓ సినిమాను తెరకెక్కించారు. ఈ సినిమా ఇటీవల సెన్సార్‌కు వెళ్లింది.

అయితే కొన్ని కారణాలతో సినిమాకు ధ్రువపత్రాన్ని అందించడానికి నిరాకరించారు. ఈ నేపథ్యంలో కొందరు గుర్తు తెలియని వ్యక్తులు ఎస్వీ శేఖర్‌కు ఫోన్‌ చేసి బెదిరించినట్లు సమాచారం. ఆయన మైలాపూర్‌ పోలీసులకు ఫిర్యాదు చేయడంతో పోలీసు భద్రత కల్పించారు. కేసు నమోదు చేసుకుని విచారణ జరుపుతున్నారు.

ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు