నయనతార డేటింగ్, యూఎస్‌లో ప్రియుడితో.. ఫొటోలు రచ్చ రచ్చ..

అమెరికాలో విగ్నేష్ శివన్‌తో

కెరీర్‌పరంగా నయనతార వరుస సక్సెస్‌లతో దూసుకెళ్తున్నది. అరమ్, వెలాక్కైరన్ సినిమాల విజయంతో నటిగా మరో మెట్టు ఎక్కింది. సోలో హీరోయిన్‌గా సక్సెస్‌లను సొంతం చేసుకోవడం దక్షిణాదిలో నయనతారకే చెల్లింది. విజయానందంలో ప్రస్తుతం బాయ్‌ఫ్రెండ్ విగ్నేష్ శివన్‌తో అమెరికాలో విహారయాత్ర చేస్తున్నది.

సక్సెస్‌ను ఎంజాయ్ చేస్తున్న విగ్నేష్

సూర్యతో తీసిన గ్యాంగ్ చిత్రం విగ్నేష్ శివన్‌కు మంచి విజయాన్ని అందించింది. ఆ చిత్రం తర్వాత సక్సెస్‌ను ఎంజాయ్ చేయడానికి ఇదే సమయం అనుకొని నయనతారతో యూఎస్‌ ట్రిప్ వెళ్లారు. యూఎస్ వెకేషన్‌లోని ఫొటోలను విగ్నేష్, నయనతా తమ సోషల్ మీడియా అకౌంట్‌లో షేర్ చేశారు.

అభిమానులకు దూరంగా

అభిమానుల తాకిడి దూరంగా అమెరికాలో నయనతార, విగ్నేష్ ఎంజాయ్ చేస్తున్నట్టు ఫోటోలలో స్పష్టమైంది. అమెరికాకు వీరు వెళ్లడం ఇదే మొదటిసారి కాదు. కొద్ది నెలల క్రితం నయన్, విగ్నేష్ ఇద్దరు కలిసి యూఎస్‌కు వెళ్లడం జరిగింది.

సహజీవనం వార్తల నడుమ

నయనతార, విగ్నేష్ సహజీవనం చేస్తున్నారనే వార్తలు కొద్ది నెలలుగా మీడియాలో ప్రముఖంగా వచ్చాయి. అయితే వారిద్దరూ తమ రిలేషన్‌పై ఎక్కడా క్లారిటీ ఇవ్వలేదు. కానీ వారి మధ్య అంతకుమించి ఏదో బంధం ఉందనేది కాదనలేని వాస్తవం అని చెప్పవచ్చంటున్నారు సినీ వర్గాలు.

సైరాకు సిద్ధమవుతున్న నయనతార

వరుస సక్సెస్‌లతో దూసుకెళున్న నయనతార ప్రస్తుతం తెలుగు, తమిళ చిత్రాల షూటింగ్‌తో బిజీగా ఉన్నారు. ఇటీవల ఆమె నటించిన జై సింహ చిత్రం రిలీజై మంచి సక్సెస్ సాధించింది. ప్రస్తుతం సైరా నర్సింహారెడ్డి చిత్రం కోసం సిద్ధమవుతున్నారు.

తమిళంలో బిజీ బిజీగా

తమిళంలో ఇమైక్క నోడిగల్, కొలైయుథిర్ కాలం, కొలమావు కోకిల చిత్రాల్లో నటించేందుకు గ్రీన్ సిగ్నల్ ఇచ్చింది. గ్యాంగ్ చిత్రం తర్వాత విగ్నేష్ శివన్ ఇంకా కొత్త ప్రాజెక్ట్‌ను అనౌన్స్ చేయలేదు.