రజనీ, కమల్‌ను కడిగి పారేసిన యువ హీరోయిన్! డైలాగ్స్‌తో మోసపోవద్దని..

డైలాగ్స్‌తో పడిపోవద్దు

సినీ నటుల నుంచి ప్రేక్షకులు ఎక్కువగా ఆశించడం తప్పుకాదు. తెరపైన వాళ్లు చెప్పే డైలాగ్స్ చూసి మనం మన జీవితాలకు అన్వయించుకొంటాం. అలా వారిని ఆరాధించడం సరికాదు. ప్రేక్షకులైనా, సాధారణ ప్రజలైనా రాజకీయాల గురించి, నేతల గురించి మాట్లాడుకోవడం సర్వసాధారణం అని ప్రియా భవానీ అన్నారు.

రాజకీయాలంటే అసహ్యం

సోషల్ మీడియాలో చూస్తే కొందరు చేసే కామెంట్లు చాలా షాకింగ్‌గా ఉంటాయి. వారి మాటలు చూస్తే రాజకీయాలపై అసహ్యం పుడుతుంది. ఇలానే పాలిటిక్స్ ఉంటాయా అనిపిస్తుంది. ఇలాంటి నేపథ్యంలో రాజకీయ నేతలను నమ్మకం పెట్టుకోవడం పెద్ద తప్పు. అలాగే ఇటీవల తమిళ రాజకీయాల్లోకి వచ్చిన స్టార్ హీరోలపై కూడా భరోసా పెట్టుకోవద్దు అని రజనీ, కమల్‌ను పరోక్షంగా విమర్శించింది.

నేతలుగా ఆలోచనలు వేరు

నాకు కమల్ సార్.. రజనీ సార్ అంటే చాలా ఇష్టం. వారి సినిమాలు రిలీజైతే ఫస్ట్ డే ఫస్ట్ షోకు వెళ్తాను. అలాంటి వాళ్లను గెలిపిస్తే ఐదేళ్లు మనల్ని పాలిస్తారు. ఇది రెండున్నర గంటల సినిమా కాదు.. ప్రజల తలరాతను మార్చే బాధ్యత. ఒకసారి రాజకీయ నేతలైన తర్వాత వారి ఆలోచనలు మారిపోతాయి. సినీ నటులుగా ఉన్నప్పుడు మనకు ఉండే అభిప్రాయాలు వారిపై పెట్టుకోవద్దు అని ప్రియా హెచ్చరించారు.

Recommended Video

Shruti Haasan Gets Serious Comments On Her From Fans

కార్తీ సరసన ప్రియా భవానీ

ప్రియా భవానీ టీ నటిగా తమిళ ప్రేక్షకులకు సుపరిచితులు. టీవీ ఆర్టిస్టుగా విశేష ప్రేక్షకాదరణను మూటగట్టుకొన్నారు. ఆ తర్వాత మెయథ మాన్ చిత్రంతో సినీ రంగంలోకి ప్రవేశించారు. కార్తీ నటించిన కడైకుట్టి సింగం చిత్రంలో కీలక పాత్రను పోషించింది. తాజాగా ఆమె బోల్డ్‌గా చేసిన వ్యాఖ్యలు తమిళ వినోద రంగంలో ప్రకంపనలు సృష్టిస్తున్నాయి.