బెదిరిస్తున్నారంటూ...పోలీస్ ప్రొటక్షన్ కోరిన లారెన్స్

హైదరాబాద్ : నందమూరి కల్యాణ్ రామ్ హీరోగా ఆమధ్య వచ్చిన 'పటాస్' హిట్ చిత్రాన్ని తమిళంలో రీమేక్ చేస్తున్న సంగతి తెలిసిందే. ప్రముఖ నిర్మాత ఆర్బీ చౌదరి ఈ హక్కులను భారీ మొత్తం చెల్లించి సొంతం చేసుకున్నారు. ఈ రీమేక్ లో లారెన్స్ హీరోగా నటిస్తున్నాడు. మొత్త శివ...కొట్ట శివ టైటిల్ తో రూపొందే ఈ చిత్రం రిలీజ్ విషయమై పోలీస్ ప్రొటక్షన్ కోరుతున్నారు.

చెన్నై పోలీస్ కమిషనర్ కు లారెన్స్ కంప్లైంట్ చేసారు. తనకు ఈ సినిమా రిలీజ్ అపమంటూ ఎవరో తెలియని వ్యక్తులు చాలా మంది బెదిరిస్తున్నారని ఆయన ఆ కంప్లైంట్ లో పేర్కొన్నారు. ఈ చిత్రాన్ని వేందర్ మూవీస్ వారితో కలిసి సూపర్ గుడ్ ఫిల్మ్స్ వారు నిర్మిస్తున్నారు.

లారెన్స్ మాట్లాడుతూ... " మేము మొదట వేదంర్ మూవీస్ మదన్ తోనూ, సూపర్ గుడ్ వారితోనూ కలిసి ఓ సినిమాని మొదలెట్టాం. ఆ సినిమా కు ఈ పటాస్ రీమేక్ కు పోలిక లేదు. ఆ సినిమా నేను రాసుకున్న ఒరిజనల్ స్క్రీన్ ప్లే ని బేస్ చేసుకుని రెడీ చేసుకున్నాం. కానీ కొన్ని సమస్యల వల్ల ఆ కథను ఆపేసాం. ఇప్పుడు మేము రిలీజ్ చేస్తోంది పటాస్ తమిళ రీమేక్.

ఈ సినిమాకు మదన్ తో అనుకున్న సినిమాకు అసలు సంభందం లేదు. కాని కొంతమంది ఫోన్ చేసి మదన్ పర్మిషన్ తీసుకుని సినిమాని రిలీజ్ చేయాలని సలహా చెప్తున్నారు. ఈ విషయంలో పోలీస్ ల సహాయం అడిగాము అన్నారు.

స్టార్ కొరియెగ్రాఫర్ గా హవా సాగించిన లారెన్స్ కొరియోగ్రఫి కి పుల్ స్టాప్ పెట్టి యాక్టింగ్, డైరెక్షన్ బాట పట్టిన విషయం తెలిసిందే. దర్శకుడిగా స్టార్టింగ్ లో మంచి సక్సెస్ లే కొట్టాడు. ఈ క్రమంలో ఆయన డైరెక్ట్ చేసిన డాన్, రెబల్ సినిమాలు లారెన్స్ కి కోలుకోలేని షాక్ ఇచ్చాయి. అంతేనా ఈ సినిమాల రిజల్ట్ వల్ల లారెన్స్ తెలుగులో ముఖం చూపించలేకపోయడంటే పరిస్థితి అర్ధం చేసుకోవచ్చు.

ముని సీక్వెల్ కాంచన2 సినిమా లారెన్స్ కి దర్శకుడిగా నటుడిగా మంచి పేరు తీసుకొచ్చింది. గంగ టైటిల్ తో తెలుగులో డబ్ అయిన ఈ మూవీ ఇక్కడ కూడా భారీ కలెక్షన్స్ లను రాబట్టింది. అయితే ఇప్పుడు లారెన్స్ ఈ మూవీ సెంటిమెంట్ ని ఫాలో అవుతుండడం విశేషం.

మెట్ట శివ కెట్టా శివ టైటిల్ తో లారెన్స్ కొత్త మూవీ చేస్తున్నాడు. ఈ మూవీ కళ్యాణ్ రామ్ పటాస్ సినిమాకి రిమేక్ గా తెరకెక్కుతోంది. విశేషమేంటి ఈ మూవీలో పోలీస్ రోల్ చేస్తున్నప్పటికి లారెన్స్ గుండుతోనే కనిపించబోతున్నడట. కలిసొచ్చిన గుండు తనకు మరో సక్సెస్ ఇస్తోందని ఈ డాన్స్ మాస్టర్ నమ్ముతున్నాడట. మరి లారెన్స్ నమ్మకం ఎంత వరకు నిజం అవుతోందో చూడాలి.