తమిళ్ నుంచి మరో ప్యాన్ ఇండియా మూవీ.. లారెన్స్ హీరోగా అధికారమ్ అంటూ!

కొద్దిసేపటి క్రితమే

కాంచన రీమేక్ తో బాలీవుడ్ లో డైరెక్టర్ గా లక్ష్మీ సినిమాతో ఎంట్రీ ఇచ్చిన రాఘవ లారెన్స్ ఈ మధ్యకాలంలో కాస్త సినిమాల విషయంలో గ్యాప్ తీసుకుంటున్నారు. అయితే అనూహ్యంగా రాఘవ లారెన్స్ హీరోగా అసురన్ డైరెక్టర్ వెట్రిమారన్ కథ అందిస్తున్న ఈ సినిమా ప్రకటన కొద్దిసేపటి క్రితం వెలువడింది.

వెట్రిమారన్ కథ

నేషనల్ అవార్డ్ విన్నింగ్ డైరెక్టర్ వెట్రిమారన్ కథ - స్క్రీన్ - ప్లే డైలాగ్స్ అందిస్తున్న అధికారమ్ అనే సినిమాకి దురై సెంథిల్ కుమార్ దర్శకత్వం వహించబోతున్నారు. చాలా రోజులు వెట్రిమారన్ వద్ద దర్శకత్వ విభాగంలో అసోసియేట్ గా పని చేసిన సెంథిల్ గతంలో ధనుష్ 'కోడి' తెలుగులో ధర్మ యోగి పేరుతో రిలీజ్ అయింది. అలాగే పటాస్ అనే మరో సినిమాను కూడా ఆయన తెరకెక్కించారు.

ఇంటెన్స్ లుక్ లో

ఇక ఇప్పుడు ఆయన దర్శకత్వంలో ఈ సినిమా రూపొందబోతోంది. దానికి సంబంధించి ఈ రోజు మేకర్స్ ఒక ఫస్ట్ లుక్ పోస్టర్ కూడా విడుదల చేసి ప్రకటించారు. ఈ ఫస్ట్ లుక్ పోస్టర్ లో రాఘవ లారెన్స్ చాలా కోపంగా కనిపిస్తున్నాడు అని చెప్పవచ్చు. రక్తంతో తడిసిన కోట్ వేసుకున్న లారెన్స్ చేతిలో కత్తి పట్టుకుని ఆ రక్తంతో నడుచుకుంటూ వస్తున్నట్లు ఉగ్రంగా చూపించారు.

సినిమాల విషయానికి వస్తే

ఇక రాఘవ లారెన్స్ ప్రస్తుతం చేస్తున్న సినిమాల విషయానికి వస్తే ఆయన హీరోగా రుద్రం అనే సినిమాలో నటిస్తున్నారు. ఈ సినిమాను కదిరేశన్ అనే దర్శకుడు తెరకెక్కిస్తున్నారు. ఇక చంద్రముఖి సినిమాకి సీక్వెల్ కూడా గతంలో ప్రకటించిన ఆ సినిమాకు సంబంధించిన పనులు అయితే ప్రస్తుతం ఏమీ జరగడం లేదని అంటున్నారు. అయితే దీనికి సంబంధించిన పూర్తి వివరాలు మాత్రం అందాల్సి ఉంది.

కరోనా కాలంలో సాయం

ఇక కరోనా రాఘవ లారెన్స్ తన శక్తికి మించి సేవలు అందించాడు అనే చెప్పాలి. తమిళనాడు ముఖ్యమంత్రి సహాయనిధి, సహా ప్రధానమంత్రి సహాయ నిధికి విరాళాలు అందించారు. ఇవి కాక ఆయన చేతనైన సాయం చేస్తూ అందరికీ ఆదర్శంగా నిలుస్తున్నారు.