కొచ్చాడయాన్ తెలుగు వెర్షన్‌కి రజనీకాంత్ డబ్బింగ్

విక్రమ సింహలో నటీనటులు

ఈ చిత్రంలో బాలీవుడ్ నటి దీపిక పదుకొనె రజనీకాంత్ ప్రియురాలి పాత్రలో నటిస్తోంది. ఆమెతో పాటు ప్రముఖ నటులు శరత్ కుమార్, ఆది, శోభన, జాకీ ష్రాఫ్, నాసర్ తదితరులు ఇతర ముఖ్యమైన పాత్రల్లో కనిపించనున్నారు.

ఏఆర్ రెహమాన్ సంగీతం

విక్రమ సింహా చిత్రానికి ప్రముఖ సంగీత దర్శకుడు ఏఆర్ రెహమాన్ సంగీతం, బ్యాగ్రౌండ్ స్కోర్ అందించారు. త్వరలో ఆడియో విడుదల చేయనున్నారు. ఈ చిత్రంలో ఏరో 3డి సౌండ్ టెక్నాలజీని ఉపయోగించారు. ఇది ప్రేక్షకులకు సరికొత్త అనుభూతి ఇవ్వనుంది.

రాజీవ్ మీనన్ పిక్చరైనేషన్

ఈ చిత్రానికి ప్రముఖ సినిమాటోగ్రాఫర్ రాజీవ్ మీనన్ పని చేస్తున్నారు. విక్రమ సింహ చిత్రాన్ని మోషన్ పిక్చర్ టెక్నాలజీతో 3డిలో తెరకెక్కించారు. ఒక్కోసీన్ చిత్రీకరించడానికి ఏక సమయంలో 48 కెమెరాలను ఉపయోగించారట.

విఎఫ్ఎక్స్ ఎఫెక్ట్స్...

ఈ చిత్రంలోని విఎఫ్ఎక్స్ వర్క్......ప్రేక్షకులకు సరికొత్త విజువల్ ట్రీట్ ఇవ్వనుంది. అవతార్ చిత్రానికి పని చేసిన స్టీరియోగ్రాఫిక్ టీం ‘కొచ్చాడయాన్' చిత్రానికి పని చేసారు.

విక్రమ సింహ రిలీజ్

ఇప్పటికే విడుదలైన ‘విక్రమ సింహ' ఫస్ట్ లుక్ ప్రేక్షకుల్లో సినిమాపై అంచనాలు మరింత పెరిగేలా చేసింది. దీపావళి పండగ సందర్భంగా ఈ చిత్రాన్ని విడుదల చేసేందుకు సన్నాహాలు చేస్తున్నారు.