రాజసంగా రజనీకాంత్.. కాలా ఫస్ట్‌లుక్‌కే ఫ్యూజులు అవుట్

రాజసంగా రజనీ..

తాజాగా రిలీజైన కాలా చిత్రానికి సంబంధించిన ఫస్ట్‌లుక్ పోస్టర్‌లో చుట్టూ ముంబై నగరం.. మధ్యలో జీపు.. దానిపై రజనీకాంత్ రాజసంగా కూర్చున్న లుక్ దుమ్మురేపుతున్నది. వెండితెరపై మరో ప్రభంజనానికి సిద్ధం కావాలని పిలుపునిచ్చినట్టు కనిపిస్తున్నది.

నేర సామ్రాజ్యాన్ని శాసించే..

ముంబై నగరంలో అరాచకాలపై ఆగ్రహం, రౌద్రం వ్యక్తం చేసే మరో పోస్టర్ మరింత అదరగొట్టేసింది. ముంబై నగరంలో నేర సామ్రాజ్యాన్ని శాసించిన మాఫియా డాన్ హాజీ మస్తాన్ జీవిత కథ ఆధారంగా ఈ చిత్రం తెరకెక్కుతున్నట్టు వార్తలు వస్తున్నాయి.

161వ సినిమా మళ్లీ గ్యాంగ్‌స్టర్‌గా

కాలా చిత్రం రజనీకాంత్ కెరీర్‌లో 161వ సినిమా. తలైవర్ రజనీకాంత్ నటించే చిత్రం మిర్జా హాజీ మస్తాన్ జీవిత కథ అనే వార్త వినిపిస్తున్నది. మస్తాన్ హైదర్ మీర్జా అలియాస్ హాజీ మస్తాన్ తమిళనాడుకు చెందిన ముస్లిం మతస్తుడు. తమిళ, హిందీ భాషలను అనర్గళంగా మాట్లాడే సామర్థ్యం హాజీ మస్తాన్‌కు ఉంది.

హాజీ మస్తాన్ కథ ఇదే..

హాజీమస్తాన్ ముంబైలో పేరుమోసిన గ్యాంగ్‌స్టర్. స్మగ్లింగ్, సినిమాలకు ఫైనాన్స్, రియల్ ఎస్టేట్, హవాలా కార్యక్రమాలతో ముంబై మాఫియా సామ్రాజ్యాన్ని 1926 రెంయి 1994 వరకు ఏలిన చరిత్ర ఉంది. ఆ తర్వాత ఏర్పడిన అంతర్జాతీయ మాఫియా సంబంధాలతో హాజీ మస్తాన్ ఇంటర్నేషనల్ గ్యాంగ్‌స్టర్‌గా ఎదిగాడు.