బాక్సాఫీస్ దుమ్ము దులుపుతున్న సమంత.. వరుస సక్సెస్‌లతో

సమంత అక్కినేని, శివకార్తీకేయన్ నటించిన సీమరాజా చిత్రం వసూళ్ల సునామీని సృష్టిస్తున్నది. ఈ నెల 13న రిలీజ్ అయిన ఈ చిత్రం బాక్సాఫీస్ వద్ద భారీ కలెక్షన్లను రాబడుతున్నది. దర్శకుడు పొన్‌రామ్ సూరీ, శివకార్తీకేయన్ కాంబినేషన్‌లో వచ్చిన హిట్ కొట్టడం ఇది మూడోసారి.

ట్రేడ్ వర్గాలు వెల్లడించిన ప్రకారం ఈ చిత్రం ప్రపంచవ్యాప్తంగా 500 స్క్రీన్లకుపైగా రిలీజైంది. తొలి రోజునే ఈ చిత్రం 13.5 కోట్ల రూపాయలను వసూలు చేసింది. గత నాలుగు రోజుల్లో రూ.22 కోట్లకుపైగా కలెక్షన్లను సాధించింది. ఇది శివకార్తీకేయన్ కెరీర్‌లోనే అత్యధిక కలెక్షన్లు అని పేర్కొంటున్నారు.

అధునిక యువరాజు పాత్రలో శివకార్తీకేయన్ నటించిన ఈ చిత్రం యాక్షన్ కామెడీగా రూపొందింది. ఈ చిత్రంలో సమంత అక్కినేని టీచర్‌గా కనిపించింది. ఇంకా ఈ చిత్రంలో సిమ్రాన్, లాల్ ఇద్దరూ విలన్ పాత్రలో కనిపించడం ప్రత్యేక ఆకర్షణగా మారింది.

సెప్టెంబర్ 13వ తేదీన రిలీజైన సమంత యు టర్న్ చిత్రం కూడా మంచి టాక్ సంపాదించుకొన్నది. సినీ విమర్శకుల నుంచి భారీ స్పందన లభించింది.