హోమ్

Tamil

చెన్నై: యంగ్ మ్యూజిక్ డైరక్టర్ అనిరుధ్‌ సంగీత దర్శకత్వంలో నటుడు శింబు పాడిన ‘బీప్‌ సాంగ్‌' ప్రస్తుతం తమిళనాడులో చర్చనీయాంశంగా మారింది. ఇప్పటికే మహిళలను హేళన పరిచేలా సినిమాలను రూపొందిస్తారనే ముద్ర శింబుపై ఉంది. ఈ బూతు పాటతో అది మరింత పెరిగిపోయి...చివరకు అది అరెస్టుకు దారి తీసే స్దాయికి చేరింది. ఈ మేరకు పోలీస్ అధికారులు చెన్నై చేరినట్లు సమాచారం.

వివాదం పూర్వా పరాల్లోకి వెళితే.... తమిళ హీరో శింబు, అనిరుధ్ లపై మహిళా హక్కుల సంఘం 'ఆల్ ఇండియా డెమొక్రటిక్ వుమన్స్ అసోసియేషన్' కోయంబత్తూర్ లో ఫిర్యాదు చేసింది. ఆ పాట పేరు బీప్ సాంగ్. అనిరుధ్‌ రవిచందర్ స్వరపరిచిన 'ఎన్న పీ.... లవ్ పన్ రోమ్' పాటలో అసభ్యకర పదాలు ఉండడంతో బీప్ సాంగ్ గా పేర్కొంటున్నారు.

ఈ పదాలు స్పష్టంగా విన్పిస్తుండడంతో విమర్శలు వెల్లువెత్తుతున్నాయి. మహిళా సంఘాలు మండిపడుతున్నాయి. బీప్ పాటను తాను విడుదల చేయలేదని తమిళ హీరో శింబు తెలిపాడు. ఈ పాట బయటకు రావడంపై గీత రచయిత చారు నివేదిత విస్మయం వ్యక్తం చేశాడు.

భారీ వర్షాలతో చెన్నై, తమిళనాడులోని కొన్ని జిల్లాలు అతలాకుతలమైన తరుణంలో బీప్ సాంగ్ ను విడుదల చేయడాన్ని శింబుఖండించాడు. అయితే తాను రాసిన ఈ పాటలో ప్రయోగించిన పదాలపై తనకు ఎటువంటి అభ్యంతరం లేదన్నాడు.

ఈ పాటను తాను విడుదల చేయలేదని శింబు వివరణయిచ్చాడు. అకారణంగా తనను నిందించడం పద్దతి కాదని అన్నాడు. ఇంటర్నెట్ లో హల్ చల్ చేస్తున్న ఈ పాట అసభ్యకరంగా ఉందని అంతా మండిపడుతున్నారు.

ఈ వివాదంపై మ్యూజిక్ డైరెక్టర్ అనిరుధ్ ఇంకా స్పందించలేదు. ప్రస్తుతం అతడు టొరంటోలో ఉన్నాడు.