అజిత్ ని అనుకరిస్తున్న హీరో

By Staff

Published: Wednesday, March 11, 2026, 6:23 [IST]

తమిళంలో మాస్ హీరోగా గుర్తింపుతెచ్చుకున్న శింబు అజిత్ వీర ఫ్యాన్ అన్న సంగతి తెలిసిందే.ఆ అభిమానంతో అతనిప్పుడు అజిత్ హీరోగా చేసిన భిల్లా సినిమాలోని డాన్ గెటప్ ని వేసుకోబోతున్నాడు.అది తాజాగా శింబు చేస్తున్న Silambattam అనే చిత్రం క్లైమాక్స్ లో ఈ సన్నివేశం చోటు చేసుకోనుంది.ఇంతకు ముందు కూడా మన్మధ సినిమా పోలీసులనుంచి తప్పించుకునే సన్నివేశంలో అతను అజిత్ సినిమా ఆడుతున్న ధియోటర్ వద్దకు వెళ్ళి అతని అభిమానులలో కలిసిపోయి తప్పించుకుంటాడు.అంతేగాక అజిత్ కటౌట్ ముందు వెళ్ళి స్టైల్ గా నిలబడతాడు.

ఇక ఈ సినిమా షూటింగ్ సమయంలో దర్శకుడు శరవన్ కి ఈ ఆలోచన వచ్చిందిట.వెంటనే శింబు భిల్లా కాస్టూమ్ డిజైనర్ కి ఫోన్ చేసి ఆ గెటప్ డ్రెస్ కుట్టించుకున్నాడుట.అంతే గాక ఆ బ్యాక్ గ్రౌండ్ ని కూడా ఆ సన్నివేశాల్లో ఉపయోగిస్తున్నాడుట. ఎంత తాను హీరోనైనా సాధారణ అభిమానిలా అజిత్ ని అనుకరించటం అందరినీ ఆశ్చర్య పరుస్తోంది.

More from Filmibeat