‘స్పైడర్’ ఫీవర్లో మహేష్ బాబు..... నిద్రలేదు, హార్ట్‌బీట్‌ పెరిగింది!

నిద్రరావడం లేదు, హార్ట్ బీట్ పెరిగింది

గతంలో ఏ సినిమాకు పడనంత టెన్షన్ ఈ సినిమాకు మహేష్ బాబు పడుతున్నారు. సినిమా విడుదల దగ్గర కావడంతో వారం రోజుల నుండి సరిగా నిద్రపట్టడం లేదని, హార్ట్ బీట్ కూడా పెరిగిందిన మహేష్ బాబు వెల్లడించారు.

Recommended Video

Mahesh Babu to become Kollywood Superstar After Spyder సౌత్ సూపర్‌స్టార్

నా కెరీర్లో ప్రతిష్టాత్మక సినిమా

మురుగదాస్‌ దర్శకత్వంలో నటించడం నా కెరీర్‌లోనే ప్రతిష్టాత్మకం. నిర్మాతలు ఎన్‌వీ ప్రసాద్‌, ఠాగూర్‌ మధు సపోర్టు చేయడం వల్లే ఇంత పెద్ద ప్రాజెక్ట్ సాధ్యమైంది. లైకా వంటి భారీ సంస్థ తమిళ వెర్షన్‌ పంపిణీ చేయడం సంతోషంగా ఉందని మహేష్ బాబు అన్నారు.

నాకే చాలా కష్టం అనిపించింది, మరి రకుల్ పరిస్థితి..

తెలుగు, తమిళం తెలిసిన నాకే షూటింగ్‌ సమయంలో చాలా కష్టం అనిపించింది. ఈ రెండు బాషలు సరిగా తెలియని రకుల్‌ ఎంత కష్టపడిందో అర్థం చేసుకోవచ్చు.... అని హీరోయిన్ గురించి మహేష్ బాబు వ్యాఖ్యానించారు.

నా చిరకాల కోరిక

సంతోష్‌ శివన్‌ సినిమాటోగ్రఫి అందించడంతో నా చిరకాల కోరిక నెరవేరింది. తెలుగు డైరెక్టర్లకు, నాకు సింక్‌ అవ్వదని చెప్పి ఎప్పుడూ ఆయన సినిమా చేయలేదు. మురుగదాస్‌తో సినిమా అనగానే ఆయనే వచ్చి చేస్తానన్నారు. ఈ సినిమాలో విజువల్స్‌ ప్రేక్షకులకు కొత్త అనుభూతిని కలిగిస్తాయని మహేష్ బాబు తెలిపారు.

ఎవరినీ పోటీగా భావించడం లేదు

తమిళంలో ఏ హీరోని తాను పోటీగా భావించడం లేదని, బడ్జెట్‌ కోసమే రెండు భాషల్లో తీశామని చెప్పారు. కథ, దర్శకుడు సింక్ అయితే ఇకపై ఇలాంటి ద్విబాషా చిత్రాలు చేస్తానని మహేష్ బాబు తెలిపారు.

సూపర్ స్టార్ హోదా అవసరం లేదు

నాకు సూపర్ స్టార్ హోదా అవసరం లేదని, అభిమానుల ప్రేమ ఉంటే చాలు అని, అదే తనకు ఎనలేని సంతృప్తిని ఇస్తుందని తెలిపారు.

రాజకీయాలపై ఆసక్తి లేదు

రాజకీయాల్లోకి వచ్చే అవకాశం ఉందా? అని మీడియా అడిగిన ప్రశ్నలకు మహేష్ బాబు స్పందిస్తూ.... తనకు రాజకీయాలపై ఆసక్తి లేదని తెలిపారు.