ఒకప్రక్క యంగ్ హీరోలతో కమిట్ మెంట్స్...మరో ప్రక్క సూపర్ స్టారోతో...

ప్రస్తుతం కోలీవుడ్, టాలీవుడ్ లలో బిజీ స్టార్ గా వున్న తమన్నా, తాజాగా ఓ లక్కీ ఛాన్స్ కొట్టేసిందని అంటున్నారు. అదేమిటంటే, తమిళ సూపర్ స్టార్ రజనీకాంత్ సరసన నటించే అవకాశం! కె.యస్.రవికుమార్ దర్శకత్వంలో రజనీ నటిస్తున్న 'రాణా' చిత్రంలో ఓ కథానాయికగా తమన్నాను ఎంపిక చేసినట్టు తెలుస్తోంది.

ఇప్పటికే టబు, దీపికా పదుకొనేలను మిగతా పాత్రలకు సెలెక్ట్ చేసిన సంగతి తెలిసిందే. మూడో పాత్రకు పలువుర్ని పరిశీలించిన పిదప దర్శక నిర్మాతలు తమన్నాకే మొగ్గుచూపారట. ఇదిలా ఉంచితే, తమన్నా తెలుగులో నటించిన '100% లవ్' సినిమా ఈరోజు రిలీజ్ అవుతుండగా, 'బద్రీనాథ్' షూటింగ్ పూర్తయింది. యన్టీఆర్ తో 'ఊసరవెల్లి', రామ్ తో 'మన లవ్ స్టోరీ' ఇప్పటికే కమిట్ కాగా, రామ్ చరణ్ తో 'రచ్చ' సినిమాలో కూడా తమన్నానే నటించనుందని అంటున్నారు.