ఆయన థియేటర్లన్నీ ఆక్రమించారు, నా జీవితం నాశనం.. కమెడియన్ సంచలన వ్యాఖ్యలు!

మర్డర్ మిస్టరీ

మర్డర్ మిస్టరీ నేపథ్యంలో తెరకెక్కుతున్న ఈ చిత్రానికి వివేక్ ఇళంగోవన్ దర్శకత్వం వహిస్తున్నారు. ఈ చిత్రానికి పనిచేస్తున్న దర్శక నిర్మాతలు, ఇతర టెక్నీషియన్లు హాలీవుడ్ లో పలు షార్ట్ ఫిలిమ్స్ రూపొందించి అనేక అవార్డులు అందుకున్నారు. వీరంతా కలసి తొలిసారి రూపొందిస్తున్న వెండితెర చిత్రం వెళ్ళై పుక్కళ్.

మాజీ పోలీస్ అధికారి

ఈ చిత్ర కథ విషయానికి వస్తే.. మాజీ పోలీస్ అధికారి అయిన వివేక్ రిటైర్ అయిన తర్వాత అమెరికాకు వెళతాడు. అక్కడ ఉన్న తన కొడుకు కోడలితో మిగిలిన జీవితాన్ని గడపాలని భావిస్తాడు. చుట్టుపక్కల ఉన్నవారు కొందరు అతడికి స్నేహితులుగా మారుతారు. కొన్ని రోజుల తర్వాత తన స్నేహితులలో కొందరు మరణిస్తారు. ఆ తర్వాత ఏం జరిగిందనే కథని దర్శకుడు ఉత్కంఠ భరితంగా రూపొందించారు.

హీరోగా సక్సెస్ కాలేకపోయా

వివేక్ మాట్లాడుతూ దశాబ్దాలుగా హాస్య నటుడిగా కొనసాగుతూ కొన్ని వందల చిత్రాల్లో నటించానని తెలిపారు. తాను స్టార్ హీరోలతో నటించిన చిత్రాలన్నీ విజయం సాధించాయి. కానీ తాను హీరోగా నటించిన చిత్రాలు మాత్రం రాణించలేదని వివేక్ తెలిపారు. తాను హీరోగా నటించిన చిత్రాలలో నాన్ థాన్ బాల చిత్రం బెస్ట్ మూవీ అని వివేక్ తెలిపాడు. కానీ ఆ చిత్ర విడుదల సమయంలోనే కమల్ హాసన్ పాపనాశనం చిత్రం కూడా విడుదలై థియేటర్లు మొత్తం ఆక్రమించింది. దాని వలన నేను చాలా నష్టపోయా. ఒకరకంగా కమల్ హాసన్ తన జీవితాన్ని నాశనం చేశారని వివేక్ సంచలన వ్యాఖ్యలు చేశారు.

అదృష్టం ఎలా ఉందో

వివేక్ తాజాగా హీరోగా నటిస్తున్న వెళ్ళై పుక్కళ్ చిత్రం విడుదలకు సిద్ధం అవుతున్న తరుణంలో ఈ సారి అతడి అదృష్టం ఎలా ఉందో అనే చర్చ జరుగుతోంది. సింగం సిరీస్, అపరిచితుడు, శివాజీ లాంటి అద్భుత చిత్రాలతో వివేక్ తెలుగు ప్రేక్షకులకు కూడా బాగా పరిచయమే.