అలా జరిగితే 'కాలా' నిర్మాతకు చుక్కలే.. 70 కోట్లవరకు నష్టం వచ్చే ప్రమాదం!

Recommended Video

Tammareddy Bharadwaja Talks About Kaala Movie

కేసుల మీద కేసులు

కాలా చిత్రం వివాదాలతోనే వాయిదా పడుతూ వచ్చింది. జూన్ 7 న చిత్రాన్ని విడుదల చేయాలని ఆమధ్య నిర్ణయించారు. అందుకు తగ్గట్లుగా ఏర్పాట్లు కూడా జరుగుతున్నాయి. ప్రీ రిలీజ్ బిజినెస్ కూడా జరిగిపోయింది. ఈ సందర్భంలో వివిధ కేసుల వలన ఈ చిత్రం ఉక్కిరిబిక్కిరి అవుతోంది.

కావేరి వివాదం

కాలా చిత్రాన్ని కావేరి జల వివాదం వేధిస్తోంది. తమిళనాడుకు అనుకూలంగా రజినీకాంత్ వ్యాఖ్యలు చేయడంతో కర్ణాటకలో ఈ చిత్రాన్ని విడుదల కానీయం అని హెచ్చరిస్తున్నారు. కర్ణాటకకు అనుకూలంగా వ్యాఖ్యలు చేస్తే తమిళనాడులో సినిమా విడుదల కానీ పరిస్థితి ఉందని తమ్మారెడ్డి అన్నారు.

రాజకీయాల్లోకి వచ్చారు కాబట్టే

రజనీకాంత్ రాజకీయాల్లోకి వచ్చారు కాబట్టే ఈ పరిస్థితి నెలకొని ఉందని తమ్మారెడ్డి అన్నారు. మొత్తానికి కాలా చిత్రం పెద్ద చిక్కుల్లోనే ఉందని తమ్మారెడ్డి తెలిపారు.

తెలుగు రాష్ట్రాల్లో కూడా రచ్చే

తెలుగు రాష్ట్రాల్లో కూడా కాలా చిత్రానికి చిక్కులు తప్పడం లేదు. కొచ్చాడియాన్ చిత్ర వివాదం ఇప్పటికి వెంటాడుతూనే ఉంది. ఆ చిత్రంతో బయ్యర్లు భారీస్థాయిలో నష్టపోయిన సంగతి తెలిసిందే. దీనికి సంబందించి కేసు కోర్టులో నడుస్తోంది. అది తేలితే కానీ ఇక్కడ కాలా చిత్రాన్ని విడుదల చేయడానికి వీలు లేదని హెచ్చరిస్తున్నారు.

అలా ముడి పెట్టడం సరికాదు

రాజకీయ అంశాలకు, సినిమాకు ముడిపెట్టడం సరికాదని తమ్మారెడ్డి అన్నారు. కాలా చిత్ర విడుదల సాఫీగా జరగాలని కోరుకుంటున్నట్లు తెలిపారు. నిర్మాతలు కూడా చిత్రాన్ని నిర్మించే సమయంలో అన్ని అంశాలని దృష్టిలో పెట్టుకోవలసిన అవసరం ఉందని అన్నారు.

70 కోట్లు నష్టం వచ్చే ప్రమాదం

కాలా చిత్రం కర్ణాటక, తెలుగు రాష్ట్రాల్లో విడుదల కాకపోతే నిర్మాతకు 70 కోట్లవరకు నష్టవాటిల్లే ప్రమాదం ఉందని తమ్మారెడ్డి అన్నారు. అంత నష్టం వస్తే నిర్మాత పరిస్థితి ఏంటని తమ్మారెడ్డి ప్రశ్నించారు.