ఆ డైరక్టర్ ఓ సినిమా పిచ్చోడు: జెడీ చక్రవర్తి

శివ సినిమాతో పరిచయమై సత్యతో అందనంత ఎత్తుకు ఎదిగిన జెడి చక్రవర్తి మొన్నామధ్య తమిళంలో సర్వం అనే చిత్రం చేసారు. విపరీతమైన అంచనాలతో వచ్చిన ఆ చిత్రం భాక్సాఫీస్ వద్ద డిజాస్టర్ టాక్ తెచ్చుకుంది. చనిపోయిన తన కుమారుడు మరణానికి కారణమైన వారిపై పగ తీర్చుకునేందుకు ప్రయత్నించే ఓ విచిత్రమైన పాత్రని ఈ చిత్రంలో జెడీ చేసారు. అయితే ఇంటర్వెల్ కే హీరోయిన్ త్రిష చనిపోవటం ప్రేక్షకులు జీర్ణించుకోలేకపోయారు. దాంతో సినిమా ఫెయిల్యూర్ అవటం జెడీ నిరాశలో మునగటం జరిగింది. దానికి తోడు తెలుగులో అతను చేసిన జోష్ చిత్రం కూడా అడ్రస్ లేకుండా పోయింది. ఈ రెండు ఫెయిల్యూర్స్ ని దృష్టిలో పెట్టుకుని చాలా సెలక్టివ్ గా సినిమాలు చేయాలనే నిర్ణయానికి వచ్చారు. అందులో భాగంగానే మొదట కచేరి ఆరంభం అనే చిత్రాన్ని రిజెక్టు చేసారు. అయితే దర్శకుడు తిరువన్నమ్ పట్టుదల పట్టి కథ వినిపించి ఒప్పించారు. ఈ విషయమై జె డీ చెప్తూ...నేను అస్సలు ఆసక్తి చూపలేదు. కానీ ఆ దర్శకుడు కథ చెప్తానంటే మొహమాటానికి ఒప్పుకున్నా. అతను చెప్పిన విధానం, నేరేషన్ సింపుల్లీ అవుట్ స్టాండింగ్. మీరు నమ్మరు...నేను కొద్ది క్షణాలు పాట శ్వాస కూడా తీసుకోవటం మర్చిపోయానా అనిపించింది. అవును...కాదు అన్నది కూడా చెప్పలేకపోయాను. ఆ డైరక్టర్ ఓ సినిమా పిచ్చోడు అన్నారు. జీవా, పూనం బజ్వా కాంబినేషన్ లో వస్తున్న ఈ తమిళ సినిమా పేరు కచేరీ ఆరంభం. ఇక సర్వం చిత్రం ఫెయిల్యూర్ పై విశ్లేషిస్తూ...నాకు ఫ్లాప్ అనేవి కొత్తేం కాదు. అలాగే నేను ఎప్పుడూ బాధ పడనూ లేదు. కానీ ఆ సినిమాను దర్శకుడు విష్ణు వర్ధన్ కోసం చేసాను. దాంతో ఆ సినిమా పోవటం కాస్త పర్శనల్ గానే బాధించింది. బహుశా నాకు విష్ణు వర్ధన్ మీద ఉన్న నమ్మకం, ఇష్టం కారణంగా అనిపించి ఉండవచ్చు అన్నారు. ఇక సర్వం చిత్రాన్ని తెలుగులో అదే పేరుతో డబ్ చేసి త్వరలో రిలీజ్ చేస్తున్నారు.