11న ఇంద్రసేన టీజర్ రిలీజ్.. ఈ సారి కూడా చిరుతోనేనా..

బిచ్చగాడు చిత్రంతో ప్రేక్షకులను ఆకట్టుకొన్న విజయ్ అంటోని ప్రస్తుతం ఇంద్రసేన చిత్రంలో నటిస్తున్నారు. ఈ చిత్రం పోస్ట్ ప్రొడక్షన్ పనులను జరుపుకుంటూ విడుదలకు సిద్ధమవుతున్నది. ఈ చిత్రానికి సంబంధించిన టీజర్ రిలీజ్ కార్యక్రమం ఈ నెల 11న జరుగనున్నది. దీనికి సంబంధించిన పోస్టర్‌ను గురువారం రిలీజ్ చేశారు.

జీ శ్రీనివాసన్ దర్శకత్వం వహిస్తున్న ఈ చిత్రానికి సంబంధించిన ఫస్ట్ లుక్ పోస్టర్ ఇటీవల మెగాస్టార్ చిరంజీవి రిలీజ్ చేసిన సంగతి తెలిసిందే. ఇంద్రసేన చిత్రాన్ని ప్రముఖ నటి రాధిక, విజయ్ అంటోని సంయుక్తంగా నిర్మిస్తున్నారు. ఈ సారి కూడా చిరంజీవి టీజర్ రిలీజ్ చేస్తారా అనే విషయంపై స్పష్టత లేదు.