రచ్చ మొదలైంది: ఆ ఇద్దరు హీరోల అభిమానుల మధ్య మళ్లీ వార్!

వివాదం దేనికి?

‘కాలా' ట్రైలర్లో కొన్ని సీన్లు చూసిన విజయ్ అభిమానులు.... ఇందులోని కొన్ని షాట్లు ‘మెర్సల్' మూవీ నుండి కాపీ కొట్టి తీశారంటూ గొడవకు తెరలేపారు. రజనీకాంత్ అభిమానులు కూడా ఏ మాత్రం తగ్గకుండా కౌంటర్ ఇవ్వడంతో ఈ ఫైట్ మరింత ముదిరింది.

ఆ సీన్లను చూపి నానా రభస

‘కాలా' ట్రైలర్లో రజనీకాంత్ హోలీ ఆడుతున్న సీన్ ఉంది. అయితే మెర్సల్‌లో ఇలాంటి సీన్ ఆల్రెడీ చేశారని, ఫ్రేమ్‌లో కూడా ఏమాత్రం తేడా లేకుండా ఈ సీన్ కాపీ కొట్టారని విజయ్ అభిమానులు నానా రచ్చ మొదలు పెట్టారు.

రజనీ స్థాయికి విజయ్ సరితూగడు అంటూ కౌంటర్

అయితే రజనీకాంత్ అభిమానులు ఏమాత్రం దగ్గకుండా కౌంటర్స్ ఇస్తున్నారు. రజనీ స్థాయికి విజయ్ ఏ మాత్రం సరిపోడని, సూపర్ స్టార్ స్టైల్ ముందు, రెపుటేషన్ ముందు విజయ్ ఎందుకూ పనికి రాడంటూ వారి విమర్శలను తిప్పి కొడుతున్నారు.

జూన్ 7 వస్తున్న ‘కాలా'

జూన్ 7న ‘కాలా' మూవీ ప్రేక్షకుల ముందుకు రాబోతోంది. రజనీకాంత్‌తో పాటు ప్రముఖ హిందీ నటుడు నానా పాటేకర్ ఈ చిత్రంలో కీలకమైన పాత్రలో నటిస్తున్నారు. ముంబై మురికివాడ ధారావి నేపథ్యంలో ఈ సినిమా సాగుతుంది. ధారావి డాన్ పాత్రలో రజనీకాంత్ కనిపించబోతున్నారు. నానా పాటేకర్ పొలిటీషియన్ పాత్రలో నటిస్తున్నారు. ఇంకా బాలీవుడ్ నటి హుమా ఖురేషి ముఖ్యపాత్ర పోషిస్తోంది.

భారీ అంచనాలు

కబాలి తర్వాత దర్శకుడు పా రంజిత్‌తో రజనీకాంత్ చేస్తున్న రెండవ సినిమా ఇది. తొలి మూవీ సంచలన విజయం సాధించడంతో ఈచిత్రంపై అంచనాలు ఆకాశాన్ని అంటాయి. వండర్ బార్ ఫిల్మ్స్ పతాకంపై ధనుష్ నిర్మించిన ఈ చిత్రానికి సంతోష్ నారాయణ్ సంగీతం అందించారు. ఇప్పటికే విడుదలైన ఆడియోకు మంచి రెస్పాన్స్ వచ్చింది. లైకా ప్రొడక్షన్స్ సంస్థ ఈ చిత్రాన్ని ప్రపంచ వ్యాప్తంగా కనీవినీ ఎరుగని రీతిలో విడుదల చేయబోతోంది.