Don't Miss!
- News అష్టదిగ్బంధనం - బీఆర్ఎస్ భవిష్యత్ పై కేటీఆర్ కీలక వ్యాఖ్యలు..!!
- Automobiles కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి వీడియో
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కథ కాపీ కొట్టారంటూ కోర్టు కెక్కారు
చెన్నై : తమ కథని కాపీ కొట్టే చిత్రం తీసారంటూ చాలా సార్లు పెద్ద హీరోలు లేదా పెద్ద దర్శకుల సినిమాలకు రిలీజ్ కు ముందు సమస్యలు ఎదురౌతూంటాయి. ఎప్పుడో కానీ ప్రూవ్ కానీ ఈ కేసుల సమస్య ఇప్పుడు మురుగదాస్ తాజా చిత్రం కత్తి కి ఎదురౌతోంది. గతంలోనూ తుపాకి చిత్రానికి సైతం కాపీ ఆరోపణలు ఎదుర్కొని క్లీన్ గా బయిటపడ్డ మురగదాస్ ఈ సారి అలాంటి పరిస్దితే ఎదుర్కోవాల్సి రావటంతో తమిళ పరిశ్రమ ఆశ్చర్యంగా చూస్తోంది.
విజయ్, సమంత కాంబినేషన్ లో రూపొందుతున్న కత్తి త్వరలో విడుదలకు సిద్దమవుతోంది. ఈ భారీ చిత్రం తమ కథనే కాపీ కొట్టి తీసారంటూ తిరువల్లూరు కి చెందిన మింజూర్ అనే వ్యక్తి కేసు వేసారు. తను రూపొందిస్తున్న మూత కుడై అనే చిత్రం కథనే తస్కరించాడంటూ కత్తి చిత్రం రిలీజ్ ని ఆపాలంటూ కోర్టులో పిటీషన్ వేసాడు. అయితే ఈ విషయమై మురుగదాస్ వెంటనే స్పందించారు. తనకు అసలు మింజూర్ అనే వ్యక్తి ఎవరో తెలియదని, కేవలం ఇవలన్నీ జనం అటెన్షన్ ని గ్రాబ్ చేయటానికి చేస్తున్న ట్రిక్ అనే కొట్టిపారేసారు.
మరో ప్రక్క దర్శకుడు శంకర్తో పోటీ పడేందుకు ఏఆర్ మురుగదాస్ 'కత్తి'ని సిద్ధం చేసుకున్నారు. ఈ సినిమాను కూడా ఎట్టిపరిస్థితుల్లో దీపావళికి విడుదల చేయడానికి సన్నాహాలు చేస్తున్నారు. గతంలో విజయ్, ఏఆర్ మురుగదాస్ కాంబినేషన్లో వచ్చిన 'తుప్పాక్కి' భారీ హిట్ను సొంతం చేసుకోవడంతో మళ్లీ అదే సెంటిమెంట్ను నమ్ముతున్నారు మురుగదాస్. దీంతో ఈ దీపావళి ఏకంగా రూ.300 కోట్ల పైచిలుకు వినోదాన్ని అందించేందుకు కోలీవుడ్ సిద్ధమవుతోంది.
ఇక 'కత్తి' విశేషాలు కి వస్తే...
'జిల్లా' తర్వాత 'ఇలయ తలబది' విజయ్ హీరోగా నటిస్తున్న చిత్రం 'కత్తి'. 'తుపాక్కి' తర్వాత ఏఆర్ మురుగదాస్ దర్శకత్వంలో నటిస్తున్నారాయన. ఇందులో తొలిసారిగా విజయ్ సరసన సమంత కథానాయికగా నటిస్తోంది. ముంబయిలో పలు కీలకమైన సన్నివేశాలను తెరకెక్కించారు. విజయ్, మురుగదాస్ కాంబినేషన్లో స్లీపర్సెల్స్ నేపథ్యంలో తెరకెక్కిన 'తుపాక్కి' ఘనవిజయం సాధించింది. ఈ చిత్రం రూ.100 కోట్లకు పైగా కలెక్షన్లను రాబట్టింది.
దీంతో మురుగదాస్ అంటేనే వందకోట్ల మార్కెట్ను సునాయాసంగా ఛేదించగలడనే నమ్మకం ప్రస్తుతం చిత్ర పరిశ్రమలో బలంగా నాటుకు పోయింది. ఆ దిశగా ఈ సినిమా కూడా వందకోట్లను వసూలు చేస్తుందని సంబంధిత వర్గాలు బలంగా నమ్ముతున్నాయి. అందుకు తగ్గట్టుగానే సినిమా పోస్టర్లు, టీజర్లు కూడా మంచి ఆదరణను సంపాదించుకున్నాయి.
విజయ్ పుట్టినరోజు సందర్భంగా విడుదలైన పోస్టర్లలో విజయ్ భిన్నంగా కనిపిస్తుండటంతో అభిమానులు ఆనందం వ్యక్తం చేస్తున్నారు. మరోవైపు ప్రధాన భవనాలతో కూడిన చెన్నైని చూపుతూ.. ఆ సన్నివేశం విజయ్ ముఖం మాదిరిగా ముగిసేలా వచ్చిన టీజర్కు 'కత్తి'లాంటి రెస్పాన్స్ వచ్చింది. మరి 'కత్తి' వసూళ్ల విషయంలో ఎలాంటి పేరు తెచ్చుకుంటుందో వేచిచూడాల్సిందే.