»   »  హీరో విశాల్‌కు గాయాలు, 22 కుట్లు (ఫోటో)

హీరో విశాల్‌కు గాయాలు, 22 కుట్లు (ఫోటో)

Posted By:
Subscribe to Filmibeat Telugu

హైదరాబాద్: తమిళ హీరో విశాల్ షూటింగు స్పాట్లో గాయపడ్డారు. 'పూజై' అనే తమిళ చిత్రం షూటింగ్ జరుగుతుండగా అతని చేతి వేలికి తీవ్రమైన గాయం అయింది. విశాల్‌ను వెంటనే యూనిట్ సభ్యులు సమీపంలోని ఆసుపత్రికి తరలించారు. ఈ గాయానికి వైద్యులు 22 కుట్లు వేసి వైద్యం చేసినట్లు తెలుస్తోంది.

కోలీవుడ్ వర్గాల నుండి అందుతున్న సమాచారం ప్రకారం చెన్నైలోని మోహన్ స్టూడియోలో చిత్రీకరణ జరుగుతుండగా ఈ సంఘటన చోటు చేసుకున్నట్లు తెలుస్తోంది. ప్రముఖ ఫైట్ మాస్టర్ కమల్ కన్నన్ ఆధ్వర్యంలో ఫైట్ సీన్స్ చిత్రీకరిస్తుండగా....జంపింగ్ సీన్ చేస్తుండగా అతని చేతికి గాయమైంది.

Vishal Seriously Injured On the Sets Of Poojai!

ఈ సంఘటనలో విశాల్ ఎడమ చేతి వేలికి గాయమైంది. వైద్యులు వారం పాటు విశ్రాంతి తీసుకోవాలని సూచించారు. అయితే షూటింగ్ ఆపడానికి విశాల్ ఇష్ట పడటం లేదని, ఈ చిత్రానికి నిర్మాత కూడా అతనే కావడంతో ప్రొడక్షన్ కాస్ట్ పెరిగిపోతుందని, అందుకే షూటింగ్ కంటిన్యూ చేయాలని నిర్ణయించుకున్నట్లు తెలుస్తోంది.

పూజై చిత్రానికి హరి దర్శకత్వం వహిస్తున్నాడు. ఈ చిత్రంలో విశాల్ సరసన శృతి హాసన్ హీరోయిన్‌గా నటిస్తోంది. నటుడు సత్యరాజ్ ఈ చిత్రంలో ముఖ్యమైన పాత్ర పోషిస్తున్నాడు. యువన్ శంకర్ రాజా సంగీతం అందిస్తున్నారు. దీపావళికి ఈచిత్రం విడుదల చేసేందుకు ఏర్పాట్లు చేస్తున్నారు.

English summary
Vishal, who is famous for his action scenes, recently met with a serious accident while shooting for his movie Poojai. The actor was immediately rushed to the near by hospital. Reports claim that the actor got 22 stitches on his left hand!
Please Wait while comments are loading...