సుమకు తలనొప్పిగా మారిన సుధీర్ ఫాలోయింగ్.. గుట్టువిప్పిన యాంకర్ రవి

క్యాష్ షోలో అలా..

ఆ మధ్య సుమ ఓ సారి క్యాష్ షోలో సుధీర్ గురించి అతడి ఫ్యాన్స్ గురించి కామెంట్లు చేసింది. ఏదో ఫన్నీ క్వశ్చన్ అడగడం.. బ్యాక్ గ్రౌండ్ నుంచి మేం సుధీర్ అన్న ఫ్యాన్స్ అంటూ డైలాగ్‌లు రావడంతో.. సుమ వెరైటీగా పంచ్‌లు వేసింది. సుధీర్ ఫ్యాన్స్ అయితే వెళ్లి ఆ షోలో రచ్చ చేయండి.. ఇక్కడికి ఎందుకు వచ్చారంటూ కౌంటర్ వేసింది.

సుమ కూడా అలానే..

ఇక సుమ తన ఈట్ టాక్ షోలో సుధీర్‌ను గెస్ట్‌గా పిలిచింది. అయితే సుధీర్ సుమ కలిసి చేసిన వీడియోనే అతి తక్కువ సమయంలో మిలియన్ వ్యూస్‌ను క్రాస్ చేసింది. దానికి కారణం సుధీర్ క్రేజే అంటూ కామెంట్లు వచ్చాయని సుమ చదివింది. చివరకు సుమ కూడా జై సుధీర్ అన్న అంటూ నినాదం చేసింది.

తాజాగా ఇలా..

అయితే తాజాగా ఇదే విషయంపై యాంకర్ రవి, సుమ వాగ్వాదం చేసుకున్నారు. ఈ ఇద్దరూ కలిసి బిగ్ సెలెబ్రిటీ చాలెంజ్ అనే షోను హోస్ట్ చేస్తోన్న సంగతి తెలిసిందే. ఈ షోలో రవి, సుమలు వేసే పంచ్‌లు బాగానే పేలుతున్నాయి. వచ్చే వారం రాబోతోన్న షోకు సంబంధించిన ఎపిసోడ్ ప్రోమో తాజాగా విడుదలైంది. అందులో సుమ గురించి రవి మాట్లాడుతూ సుధీర్ ఫ్యాన్స్ గురించి కామెంట్ చేశాడు.

ఆ కామెంట్లు పెట్టేది..

ఆ షోలో సీరియల్ హీరో పవన్, తనూజలు గెస్ట్‌లుగా వచ్చారు. వారి గురించి మాట్లాడుతూ మీ వీడియో కింద 500 కామెంట్లు పెట్టినా కూడా చూడటం లేదంటూ రవి వాపోయాడు. అంటే నా వీడియో కింద కామెంట్లు పెట్టేది నువ్వేనా? అంటూ రవిపై సుమ కౌంటర్ వేసింది. అవును మీ వీడియోల కింద జై సుధీర్ అంటూ కామెంట్ పెట్టేది నేనే అంటూ సుమపై రవి రివర్స్ కౌంటర్ వేశాడు. అలా మొత్తానికి సుధీర్ ఫాలోయింగ్ మాత్రం ప్రతీసారి హాట్ టాపిక్ అవుతోంది.