బిగ్ బాస్2 షోకు ఎలాంటి ఇబ్బంది లేదు : బాబు గోగినేనికి కోర్టు ఊరట!

బాబు గోగినేనికి కోర్టు ఊరట

బిగ్‌బాస్‌షోలో ఉన్నందున విచారణకు హాజరుకాలేనం టూ బాబుగోగినేని హైకోర్టును ఆశ్రయించారు. దీనిపై విచారణ జరిపిన కోర్టు కేసు దర్యాప్తును రెండు నెలల పాటు నిలిపివేయాలని ఆదేశించింది.

వెనక్కి తగ్గిన పోలీసులు

బాబు గోగినేని మీద మాదాపూర్‌ పోలీస్టేషన్లో కేసు నమోదైన నేపథ్యంలో ఆయనకు నోటీసులు అందించడానికి పోలీసులు బిగ్ బాస్ ఇంట్లోకి ప్రవేశించాలనుకున్నారు. అయితే కోర్టు ఆదేశాలతో వారు వెనక్కి తగ్గినట్లు తెలుస్తోంది.

అందుకే కేసు..

సోషల్ మీడియా ద్వారా ఒక వర్గాన్ని కించపరిచేలా హేతువాది బాబు గోగినేని మాట్లాడారని, సమావేశాలు పెట్టి అనధికారంగా ఆధార్ సమాచారం తీసుకుంటున్నారని, ఇది దేశ ద్రోహం కింద వస్తుందని వీరనారాయణ అనే వ్యక్తి కోర్టును ఆశ్రయించారు.

బాబుకు ప్రేక్షకుల మద్దతు కూడా...

బాబు గోగినేనిపై కేసు నమోదు కాగానే పలువురు హేతువాదులు, హ్యూమనిస్టులు మీడియా సమావేశం ఏర్పాటు చేసి ఆయనకు మద్దతుగా నిలిచిన సంగతి తెలిసిందే. మరో వైపు బిగ్ బాస్ షోలో ప్రేక్షకుల నుండి కూడా ఆయనకు మద్దతు లబిస్తోంది. గతంలో ఆయన ఎలిమినేషన్‌కు నామినేట్ అయినా ప్రేక్షకుల మద్దతుతో ఇంట్లో కంటిన్యూ అవుతున్నారు.